जनकपुरधाम । धनुषाको शहिदनगर नगरपालिकाकाका मेयर उदय बरबरियाले आफुले गरेकाे गलती लुकाउन कर्मचारी फिर्ता पत्र काटेका छन ।
आफू निकट बालविकास शिक्षिका र कर्मचारीहरूलाई तलब खुवाई अन्यलाई बांकी राखेकाे घटनामा मेयर बरबरियाले एक कर्मचारीलाई काज फिर्ता पठाएका छन ।
पछिल्लो समयमा यो नगरपालिकाका विद्यालय कर्मचारी र बाल विकास सहजकर्ताहरू मेयरले आफू निकट शिक्षिका र कर्मचारीहरूकाे तलब बांकी राखेकाे भन्दै आन्दोलनमा उत्रेका छन् । उनीहरुले संघीय सरकारले थप गरेको पारिश्रमिक पाउन नसकेको भन्दै आन्दोलनमा उत्रेका हुन ।
मेयर बरबरियाले नगर शिक्षा समितिका प्रमुख धनेश्वर यादवलाई नगरपालिका दिएकाे कार्यकाे जिम्मेवारी पूरा नगरेकाे र शिक्षक शिक्षिकाहरुको तलब भत्तामा लापरवाही गरेको भन्दै काज फिर्ताको पत्र थमाएका छन् ।
पत्रमा मेयर बरबरिया र नगरपालिकाका प्रमुख प्रशासकिय अधिकृत शत्रुधन यादवको पनि नाम छ । तर उक्त नाममा हस्ताक्षर नभई मेयर बरबरियाकाे मात्र हस्ताक्षर रहेकाे छ ।
नगरपालिकाका जनप्रतिनिधिले गरेको निर्णय अनुसार आफु काज फिर्तामा जाने शिक्षा शाखा प्रमुख यादवले सुनाए । यद्यपी, उक्त पत्रले आफुमाथि कुनै कारवाही नहुने विश्वास व्यक्त गरे ।
यसअघि पनि मेयर बरबरियाले नगर भित्रकै एक शिक्षकलाई कारवाही गरी कामकाजमा रोक लगाएको पत्र बाहिर ल्याएका थिए । मेयर बरबरियाको अपरिपक्व निर्णयले पछि पुनः उक्त ती शिक्षक विद्यालयमा काममा फर्केका थिए ।
संघीय सरकारबाट बाल विकास शिक्षक शिक्षिका तथा विद्यालय कर्मचारीहरुका लागि आएको तलब आएपनि स्थानिय तहले छुट्याउनु पर्ने बजेट नदिएकाे कारण समस्या थपिएको शिक्षा शाखा प्रमुख यादवले बताए ।
नगरपालिका भित्र रहेका १३ विद्यालयमा कार्यरत शिक्षक शिक्षिकाहरुलाई तीन महिनाको तलब भुक्तानी भईसकेको छ, यादव भन्छन्, बाँकी १९ विद्यालयको भुक्तानी हुन सकेको छ्रैन् । कागजात पेश भएको छ, तर बजेट अपुगछ ।
नगरपालिकाका लेखापाल नेपालीले बाल विकास शिक्षक शिक्षिका तथा विद्यालय कर्मचारीहरुको साउन देखि पुस सम्मको तलब भुक्तानी गरिसकेको दावी गरे । यद्यपी, लेखापालले भुक्तानीको तथ्याँक देखाउन मानेन्न ।
काम गर्दा गर्दै पनि तलब भत्ता नपाउनु निकै गम्भीर समस्या हो, बाल विकास शिक्षक शिक्षिका संघर्ष समितिका संयोजक बबिता यादव भन्छिन्, मेयर बरबरियाले हामीमाथि श्रम शोषणा गरेकाे हाे ।’
संघीय सरकारले दिदैं आएको तलवमा स्थानीय सरकारले थप गरेर दिनुपर्ने कानुन बनेपनि आफूहरुले हालसम्म नपाएको उनीहरुको भनाई छ । गत ६ असोजमा तथा ६ चैतमा समेत यसबारे ज्ञापन पत्र बुझाएर आग्रह गर्दा पनि ध्यान नदिँदा उनीहरुले विद्यालयको कामकाज बन्द गरी नगरपालिका कार्यालय अगाडि धर्ना दिएका छन् ।
यो विषयमा आफ्नो प्रतिक्रिया दिनुहोस् !