जनकपुरधाम । मधेश प्रदेश निती तथा योजना आयोगका उपाध्यक्ष भोगेन्द्र झाले महामुर्खको उपाधि पाएका छन ।
होली पर्वको अवसरमा जनकपुरधाम स्थित जानकी मन्दिर परिसरमा मिथिला नाट्यकला परिषदद्वारा आयोजित महामुर्ख सम्मेलनबाट उपाध्यक्ष झालाई यस्तो उपाधि सम्मान गरिएको हो ।
महामुर्खको उपाधी पाएपछि उपाध्यक्ष झाको अनुहारमा विगतका महामुर्खहरु जस्तै अनौठो मुस्कान समेत देखिएको थियो । उपाध्यक्ष झा सहित अन्य विशिष्ट व्यक्तित्वहरुलाई समेत विभिन्न व्यगांत्मक नामको उपाधिले सम्मान गरिएको छ ।
प्रदेश सभा सदस्य मञ्जु यादवलाई अदल बदली, नेपाली कांग्रेसका नगर उपसभापति राकेश बिक्रम साहलाई टिटही, मिथिला चित्रकार मनिषा साहलाई गन्हकी, मिथिला वाइल्डलाईफ ट्रस्टका अध्यक्ष देवनारायण मण्डललाई हराशंख, नेपाल पत्रकार महासंघ धनुषा शाखाकी अध्यक्ष मनिका झालाई दिलतोरिया भन्ने उपाधी पाएका हुन ।
त्यसैगरी, अधिवक्ता सुदिप कोइरालालाई गोबर गणेश, गिद्धा बेलापट्टी विद्यालयका प्रधानाध्यापक पवन मण्डललाई डपौरशंख, वरिष्ठ कलाकार रामरेखा पण्डितलाई बज्रकिट र जनकपुरधाम उपमहानगरपालिकाका प्रमुख प्रशासकीय अधिकृत प्रद्युम्न उपाध्यायलाई बैशाखनन्दनको उपाधि दिइएको छ ।
त्यस्तै अधिवक्ता सुदिप कोइरालालाई गोबर गणेश, गिद्धा बेलापट्टी विद्यालयका प्रधानाध्यापक पवन मण्डललाई डपौरशंख, वरिष्ठ कलाकार रामरेखा पण्डितलाई बज्रकिट, जनकपुरधाममा मिथिला चित्रकलाको शुरुवात गरी बजारसम्म पुर्याएकी मिथिलेश्वरी कर्णलाई लालबुझकड, व्यवसायी अभिशेष चौधरीलाई बोतलानन्दको उपाधीले सम्मान गरिएको छ ।
दुई दिने सो महामुर्ख सम्मेलनमा पहिलो दिन लोप हुँदै गएको लोकगीत होरैया गीत, व्यगांत्मक र कटाक्ष सहित कवि गोष्ठी र दोश्रो दिन प्रत्येक वर्ष झै यसवर्षपनि महामुर्ख सहित विभिन्न विधाका व्यक्तिहरुलाई विभिन्न नामको उपाधिले सम्मानित गरिएको छ ।
महामुर्खको उपाधी दिने परम्परा विगत २६ वर्षदेखि मिनापले गर्दै आएको छ । होलीको अवसरमा दिइने व्यगांत्मक उपाधिले कसैले पनि दुख नमानी उत्साहका साथ स्वीकार्दै आएका छन । यसअघि प्रदेशका मुख्यमन्त्री लालबाबु राउत, उद्योग पर्यटन वन तथा वातावरण मन्त्री शत्रुधन महतो, जनकपुरधाम उपमहानगरपालिकाका मेयर लालकिशोर साह, तमलोपाको बरिष्ठ नेता डा. विजयकुमार सिहं, राजनीतिक विश्लेषक सीके लाल लगायतका व्यक्तिहरु महामुर्खको उपाधि पाइसकेका छन ।
यो विषयमा आफ्नो प्रतिक्रिया दिनुहोस् !