जनकपुरधाम । सुरेन्द्र भण्डारी नेतृत्वकाे नेकपा एमाले जनकपुरधाम नगर कमिटी वैधाानिक रहेको दावी गरिको छ ।
नेकपा एमाले जनकपुरधामको सचिव राजुकुमार साहले एक विज्ञप्ति जारी गरी भण्डारीको नेतृत्वमा चयन गरिएको कमिटीलाई बहुमत र नेताहरू समर्थन रहेकोले वैधानिक रहेको दावी गरेका हुन् ।
लोकतन्त्रमा सर्वसहमति उत्तम विकल्प रहेपनि सर्वसहमति नहुँदा बहुमतको समेत विशेष महत्व रहेकाले यो कमिटी नै वैधानिक रहेको दावी गरिएको हो ।
जनकपुरधाममा उपलब्ध अधिकांश बरिष्ठ नेताहरु, सांसदहरु, २५ वटा वडाहरुमध्ये २३ वटा वडाको समर्थन रहेको जनाइएको छ । यसका साथै असन्तुष्ट नेताहरुलाई मिलाएर अगाडी बढ्ने प्रतिवद्धता समेत व्यक्त गरिएको छ ।
एमालेको नवगठित नगर कमिटीले जनकपुरधाम उपमहानगरको एमालेको वडा सभापतिहरुका साथै नेताहरुलाई समेत धन्यवाद ज्ञापन गर्नुका साथै सम्मान समेत गरेको छ ।
यो विषयमा आफ्नो प्रतिक्रिया दिनुहोस् !