जनकपुरधाम । महोत्तरीको बलवा नगरपालिकाले आफ्नो प्रशासनिक भवन निर्माणका लागि शिलान्यास गरेको छ ।
नगरपालिकाको वडा नम्बर ५ मा मेयर विनोद कुमार यादवले सो प्रशासनिक भवनको शिलान्यास गरेका हुन । नगरपालिकाको परिषदबाट भएको निर्णय अनुसार सार्वजनिक पोखरीलाई माटोले पुरिएर त्यसमा भवनको शिलान्यास गरिएको हो ।
नगरपालिकाको स्थापना भएदेखि नै भाडामा बस्दै आएकोमा अव आफ्ना भवन बनेपछि सेवाग्राहीलाई सेवा प्रदान गर्न सहजता हुने मलवा नगरपालिका मेयर विनोद कुमार यादवले बताए । नगरपालिकाले बिच भागमा र हुलाकी सडकको छेउमै भएकाले यातायातको हिसावले प्रशासनिक भवन उपयुक्त स्थानमा भएको उनले बताए ।
कुल एक विद्या १५ कठ्ठा क्षेफल जग्गामा ४ करोड २८ लाखको लागतमा दुई तले भवन निर्माण हुन लागेको बलवा नगरपालिकाको ईन्जिनियर हिरालाल मण्डलले बताए । भवनको शिलान्यास भएदेखि १ वर्ष ६ महिनामा भवनको सम्पुर्ण काम सम्पन्न् हुने गरि ठेक्का दिईएको बलवा नगरपालिका–५ का वडाध्यक्ष दिनेश कुमार यादवले बताए ।
यो विषयमा आफ्नो प्रतिक्रिया दिनुहोस् !