जनकपुरधाम । नेपालकाे विकासमा चीन प्रमुख बाधक रहेकाे आराेप लगाइएकाे छ ।
शनिवार जनकपुरधाम स्थित जानकी मन्दिरमा राष्ट्रिय एकता अभियानद्वारा मदरसा बिधयेक तथा चिनियाँ विस्तारवादको बिरोधमा आयाेजित जनसभा कार्यक्रममा यस्ताे आराेप लगाइएकाे हाे ।
जनसभालाई सम्बाेधन गर्दै अभियानका अध्यक्ष विनय यादवले भने पछिल्लाे समयमा चिनियाँ विस्तारवाद नेपालमा बढेकाे छ, सामान्य ऋण र अनुदानकाे नाममा केही पार्टीका नेताहरूलाई रकम दिएर दातृ राष्ट्र विरूद्ध उक्साएर विकास राेकेर चलखेल गर्दै आएकाे छ ।
उनले नेपालकाे समुन्नत समृद्ध विकासका लागि आएकाे एमसीसी परियाेजना लागू हुन नदिन चिनले नेपालका केही कम्युनिष्ट र मधेशी पार्टी तथा तिनका नेतालाई रूपैया दिएर आन्दाेलन गराइरहेकाे आराेप समेत लगाए ।
उनले भने, ‘नेपालमा चिनियाँ विस्तारवाद बढेको छ, नेपालको राजनीतिमा पनि चीनले बेला बेला हस्ताक्षेप गर्दै आएकाे छ जसले गर्दा हाम्रो देशमा सुरक्षा चुनौती थपिएको छ, सार्भभौम सत्ता खतरामा पर्न गएकाे छ।’
उनले चीनले नेपाललाई विकासको नाममा ऋण दिएर संकटमा पार्न खोजिरहेको आरोप लगाए । उनले भने,‘चीनले पोखरा विमानस्थल बनाउन नेपाललाई ऋण दिए अहिले ३ प्रतिशतभन्दा बढी ब्याज उठाइरहेको छ, जसले नेपाल चीनको झांसामा परेर महंगाे ऋण बोकिरहेको छ।
अध्यक्ष यादवले केही समयता मधेश प्रदेशमा हिन्दु समुदायमाथि मुस्लिम जिहादीहरूको ज्यादती बढेको समेत आराेप लगाए ।
उनले भने, धनुषाकाे देवपुरामा छठ पर्वकाे बेला मुस्लिम समुदायद्वारा हिन्दुमाथि आक्रमण, राैतहट सरस्वती पसजजाकाे बेला मुस्लिमद्वारा आक्रमण र सुनसरी जिल्लामा केही समयअघि एक हिन्दु छोरीमाथि मुस्लिम जिहादीले बलात्कार गरेका थिए, त्यसपछि उहाँको घरमा आगोसमेत लगाइएको स्मरण गराउंदै यसले हिन्दु समुदायमाथि मुस्लिम जिहादीहरूको ज्यादती बढेको पुष्टि भइरहेकाे छ ।
अध्यक्ष यादवले प्रदेशका मुख्यमन्त्री मोहमद लालबाबु राउतले नेपालमा आईएसआईको एजेन्टको रुपमा कार्यरत रहेको आरोप पनि लगाए ।
उनले मधेशमा तालिवानी अतिवादीहरुको घुसपैठ अत्यधिक रूपमा भइरहेको र त्यसैको सेरोफेरोमा मुख्यमन्त्री राउतले मदरसा विधयेक लागू गर्न खोजेको आरोप लगाए ।
उनले भने, ‘पाकिस्तानी आईएसआईका एजेन्टको रूपमा मुख्यमन्त्रीले काम गरिरहेको र तिनको संरक्षण जसपा अध्यक्ष उपेन्द्र यादवले गरिरहेका छन् ।’ अब प्रदेशलाई हिन्दूमय बनाउने अठोटका साथ अभियान लागि परेको उनले बताए ।
मधेशी, दलित, जनजाति, आदिवासी सम्पूर्णको अधिकारका लागि संघीय गणतन्त्र स्थापना भएको र यसै संविधानमा हिन्दू सनातन संस्कृतिको पहिचान स्वरुप संविधानलाई संघीय हिन्दू गणतन्त्र बनाउने आवश्यकतामा उनले जाेड दिए ।
अभियान जनकपुरका संयोजक मनीष हिन्दूको अध्यक्षतामा जनसभा सम्पन्न भएको हो । जनसभामा केन्द्रिय उपाध्यक्ष सुनीता साह, वरिष्ठ नेता कासिंन्द्र यादव, सिराहा संयोजक हेमंत सिंह, मोरङ संयोजक जितेन्द्र यादव, धनुषा सदस्य सुनील दास, रवि साह, राकेश साह लगायतले पनि आ आफ्ना मनतव्य राखेका थिए ।
यो विषयमा आफ्नो प्रतिक्रिया दिनुहोस् !