राजविराज । काेभिड विरूद्ध सरकारको निर्णय अटेर गरी विद्यालय चलाउने ११ जना निजी विद्यालयका सञ्चालक तथा शिक्षकलाई पक्राउ गरिएकने छ ।
सरकारले तिव्र रूपमा काेराेना संक्रमण बढदै गएपछि विद्यालय बन्द गर्ने निर्णय गरेपनि सप्तरीको राजविराज सदरमुकाममा केही विद्यालय सञ्चालन गरी पठनपाठन गराउँदै गरेको अवस्थामा उनीहरुलाई पक्राउ गरिएको हो ।
प्रमुख जिल्ला अधिकारी, राजविराज नगर प्रमुख, जिल्ला प्रहरी कार्यालय सप्तरीका प्रमुख समेतको टोलीले आज अनुगमन गरेको हो । अनुगमनमा सरकारी निर्णयको अवज्ञा गरेको पाइएकाले उनीहरुलाई नियन्त्रण लिइएको जिल्ला प्रहरी कार्यालयले जनाएका छन ।
पक्राउ पर्नेमा लक्ष्मी इङ्ग्लिस बोर्डिङ स्कुलका सञ्चालकहरु राजेशकुमार यादव, वैधनाथ कुमार झा, बुलन्द साह, ह्यापी ल्याण्ड माविका सञ्चालक शैलेन्द्र कुमार ठाकुर, जानकी सेकेन्डरी स्कुलका शिक्षक हरी किसुन राम रहेका छन् ।
त्यस्तै, एन्जल बोर्डिङ स्कुलका सञ्चालक नरेन्द्रप्रसाद देव, पिस जोन स्कुलका सञ्चालक उमाकान्त साह, सृजना सेकेन्डरी बोर्डिङ स्कुलकी शिक्षिका रिमा झा, लिटिल फ्लावर सेकेन्डरी स्कुलका सञ्चालक डा.कामन्त देव, ग्रिन इङ्ग्लिस बोर्डिङ स्कुलका शिक्षक मनोज यादव, सिपस बोर्डिङ स्कुलका सञ्चालक नरेश साह पनि पक्राउ परेका हुन ।
यो विषयमा आफ्नो प्रतिक्रिया दिनुहोस् !