जनकपुरधाम । नेपाल रेलवे कम्पनीका तात्कालिन महाप्रबन्धक गुरु भट्टराई भौतिक पुर्वाधार तथा यातायात मन्त्री रेणु यादवले आफ्नै कार्यकर्तासँग मोटो रकम रेलवेमा भर्ती गरेको आरोप लगाएका छन ।
यसअघि नियुक्त कर्मचारीहरुलाई हटाएर ज्यालादारी भर्ना गरिएका नयाँ कर्मचारीलाई दिइरहेको तालिम बारे प्रतिक्रिया दिदैं भट्टराईले भने बेरोजगार बसेका रेलवेका पुराना कर्मचारीलाई ग्राहयता दिएर घरबाट बोलाएर विधि प्रक्रिया अपनाएर नियुक्त गरेका थियौं ।
तर सरकार परिवर्तन संगै नवनियुक्त मन्त्री यादवले आफ्ना गोजीका महाप्रबन्धक निरञ्जनलाई प्रयोग गरी आफ्नै र सत्तामा सहभागी दलहरुका कार्यकर्ताहरुसँग २/३ लाख रुपैयाको दरले मोटो रकम लिई मापदण्ड विपरित भर्ना गरेको हो ।
उनले भने रेल खरीद भएपछि संचालनका लागि मन्त्रिपरिषदको निर्णयबाट पुरानो कर्मचारी मध्ये ६५ जना सहित १ सय ५१ जनालाई कानून सम्मत तालिम दिएर परीक्षामा उत्तिर्णमा भएकाहरुलाई नियुक्त गरेर डियूटीमा खटाएका थियौं । तर दुर्भाग्यवश ओली नेतृत्वको सरकार ढलेसगै आफ्ना कार्यकर्ता भर्ना गर्न सरकारले तानाशाही प्रवृति देखाउंदै पिडीत कर्मचारीहरुलाई हटायो ।
मापदण्ड विपरित कसरी भयो भन्ने प्रसंगमा भट्टराईले लोकपुकारसँग भने अध्यादेश अनुसार नेपाल कम्पनी खारेज भई बोर्ड स्थापना हुनुपर्छ । सो बोर्डले नै रेलवे संचालनका कर्मचारी भर्नादेखि सम्पूर्ण कार्य गर्नेछ । तर अहिलेसम्म न त कुनै बोर्ड गठन न मन्त्रिपरिषदको निर्णय, मन्त्री यादवको एकल निर्देशनमा नयाँ कर्मचारी भर्ना गरिएको हो ।
उनले भने पछिल्लो पटक तालिममा मात्र ८८ लाख र परीक्षा लगायतका व्यवस्थापन सहित कुल १ करोड १५ लाख रुपैया नेपाल सरकारको खर्च भएको थियो । तर वर्तमान सरकारका मन्त्री र तिनका मतियार महाप्रबन्धक झाले पैसा सँग कार्यकर्ता पाल्न ती खर्चको बेवास्ता गरी पुनः करोडौ रुपैया खर्च गर्न लागेको हो ।
यता यसअघि तालिम लिई डियूटी समेत गरेका कर्मचारीको जीवनसंग खेलवाड भएको भन्ने प्रश्नमा महाप्रबन्धक झाले पत्रकारमाथि जाइलाग्दै भने यसअघि कुनै तालिम भएको थियो, न कसैलाई भर्ना गरिएको थियो, तालिममा कुनै रकम खर्च पनि भएको छैन, यदि भएको छ भन्ने पत्रकारले स्वयं प्रमाण खोजोस मलाई त्योसँग कुनै सरोकार छैन ।
महाप्रबन्धक झाले यसअघि रेल संचालनका लागि हस्तान्तरण पनि भएको थिएन, पुर्वाधार समेत तयार भएको थियो त्यस अवस्थामा लोकसेवा विज्ञापन स्थगित गरेपछि आफ्ना मान्छेलाई स्वविवेक रुपमा कर्मचारीको रुपमा खटाइएकाहरुलाई आफूले आफ्ना अधिकार तहत हटाएका छौं । तर संचारकर्मीहरुले तालिम दिइएको र हटाइएको सबै थोक प्रमाण छ भन्ने प्रसंग पत्रकार विरुद्ध जाइलाग्दै भने प्रमाण छ त म के गर्ने, आफूले कम्पनीको ऐन कानून अनुसार हटाएका छौं र नयाँ भर्ना गर्न लागेका छौं यसमा मलाई कसैलाई स्पष्टीकरण दिन जरुरी छैन ।
यो विषयमा आफ्नो प्रतिक्रिया दिनुहोस् !