जनकपुरधाम । करीब डेढ वर्षदेखि पाल भित्र रहेका नेपाली रेल कहिले संचालन हुन्छ भन्ने अतोपतो छैन । तर भारतीय डकुमेन्ट्रीको छायाँकनका लागि पुनः परिक्षणको नाममा त्रिपाल भित्र रहेका रेललाई बाहिर ल्याइ गुडाइएको छ ।
धनुषाको इनर्वामा डेढ वर्षदेखि पाल भित्र छोपेर राखिएको नेपाली रेलको शनिवार पुनः परिक्षण गरिएको छ । तर भित्री कथा हेर्दा सो परिक्षण प्राविधिक चेकजाँच भन्दा पनि भारतको उत्तर प्रदेशमा हुन लागेको विधान सभा निर्वाचनको तयारी स्वरुप नेपालमा गरिएको सहयोग सम्बन्धी डकुमेन्ट्री छायाँकनका लागि पालबाट ट्रयाकमा गुडाइएको छ ।
उत्तरप्रदेशको अयोध्या र जनकपुरधाम बिच सांस्कृतिक सम्बन्ध रहेको छ । सो सम्बन्ध अन्तर्गत नेपाललाई गरिएको सहयोग लगायतका उपलब्धी देखाएर उत्तर प्रदेशका मतदाताहरुलाई प्रभावित पार्नका लागि भारतको सत्ताधारी दल भारतीय जनता पार्टीले डक्युमेन्ट्री बनाउन लागिएको श्रोतको दाबी छ ।
इनर्वादेखि खजुरी स्टेशन हुँदै जनकपुरधाम सहित कुर्थासम्म प्रत्येक हल्टमा रोकेर परिक्षणका आएका पदाधिकारी भनिएकाहरुले रेलको ट्रयाकदेखि स्टेशनसम्मको दृश्य छायांकन गरेको थियो । रेलवे स्टेशन र ट्रयाक बाहेक भारत सरकारद्वारा गरिएको अन्य सहयोगको समेत छायांकन गरेको छ । सो डकुमेन्ट्री छायांकन बारे भारतीय पदाधिकारीसँग जिज्ञासा राख्दा हामीले समाचार प्रयोजन र प्रतिवेदन तयार पार्न छायांकन गरको बताए । निरिक्षणमा के देखियो भन्ने कुरामा उनले प्राविधिक र भौतिक सबै ठिक रहेको छ, नेपाल सरकारले संचालन गर्न सक्छ ।
यता नेपाल रेलवेका महाप्रबन्धक झाले भारतीय डकुमेन्ट्रीका लागि मात्रै नभई रेलको पुनः परिक्षणका लागि समेत आज रेल गुडाइएको हो । उनले थप्दै भने यो नेपाली रेल हो ‘हामीले रेल संचालनको अन्तिम तयारीको उद्देश्यलले मात्रै नेपाली रेल अवस्था बुझ्न परिक्षणका लागि गुडाएका हौँ ।’
भारतीय रेल्वे कम्पनी कर्पोरेसन कोंकणबाट नेपाल सरकारले रेल खरीद गरेको रेल कम्पनीका मेकानिकल इन चिफ दीपक त्रिपाठीले नेपाल रेल्वे कम्पनी लिमिटेडका तत्कालिन महाप्रबन्धक गुरु भट्टराईलाई हस्तान्तरण गरेको दिन पहिलो पटक गतवर्ष असोज २ गते पहिलो पटक परिक्षण गरेको थियो । त्यसपछि धनुषाको इनर्वामा पाल भित्र राखेर थन्काइयो । त्यसयता करीब दुई महिना अघि इन्जन मात्रै इनर्वाबाट कुर्थासम्म परिक्षणका लागि ल्याइएको थियो ।
त्रिपालभित्र छोपिएको कारण रेलको बगीहरुको कही ठाउँमा रंग समेत उखिल्न थालेको छ भने भित्रका सिटका कपडाहरु समेत संडेर फाटन थालेको छ । नेपाल सरकारद्वारा कानून निर्माण र कर्मचारी व्यवस्थापन गर्न नसक्दा रेल कहिलेदेखि चल्ने भन्ने निश्चित देखिएको छैन ।
कहिलेदेखि चल्ने रेल
नेपाल रेल्वेका महाप्रबन्धक निरञ्जन झाले नेपाली भूमिमा रेल गुडाउने सम्पूर्ण तयारी पूरा भई सकेको दाबी गरेका छन । उनले भने आउंदो फेब्रुअरी १० तारिख भित्रै रेल गुडाउने हाम्रो तयारी छ, तर दुई देशको प्रधानमन्त्रीद्वारा उद्घाटन गर्ने कुरा त्यो कहिलेसम्म मिति निर्धारण हुन्छ त्यो आफूलाई थाहा छैन ।
उनले दुई देशको राजनीतिज्ञहरु बिच सहमति पश्चात रेल गुडाउने सम्बन्धमा निश्चित मितिको विषयमा निर्णय हुन्छ । उनले भने ‘दुई देशको प्रधानमन्त्रीले नै रेलको उदघाटन गर्ने भएकोले समय लागि रहेको छ ।’
कर्मचारी र कानून बिना कसरी रेल संचालन हुन सक्छ भन्ने जिज्ञासामा उनले परीक्षणमा ‘रेलको इन्जिनदेखि ट्रयाकसम्मको अवस्था ठिक छ । तर कर्मचारी व्यवस्थापन र कानून आभावले पनि समय लाग्ने सक्छ, त्यो कुरा राजनीतिक स्टरबाटै समाधान हुनुपर्ने हो ।
रेल गुडाउन २६ जना भारतीय कर्मचारी
कम्पनीसंग १ सय ५१ जना जनशक्ति मध्ये हाल ६० जना जनशक्ति मात्रै राख्ने निर्णय गरेको छ । महाप्रबन्धक झाले भने आर्थिक बोझ कम गर्न ‘हामीले न्यूनतम आवश्यक जनशक्ति ६० जनालाई राख्ने र बांकीलाई हटाउने निर्णय गरेका छौं ।
उनले नेपाली रेल गुडाउन तत्कालका लागि २६ जना भारतीय जनशक्ति रह्ने जानकारी दिदैं परिक्षणका लागि सोही मध्ये १४ जना नेपाल आएको हो । उनका अनुसार भारतीय कर्मचारीहरुले नै नेपाली रेलको अवस्था जाँच गरेर इनर्वाबाट कुर्थासम्म गुडाएर ल्याएका थिए ।
यो विषयमा आफ्नो प्रतिक्रिया दिनुहोस् !