जनकपुरधाम । जनकपुरधाम उपमहानगरपालिका वडा नम्बर ४ का अध्यक्ष सुदर्शन सिंहले नगरप्रमुख लालकिशोर साहले सुनियोजित रुपमा झुठा मुद्दा लगवाएर आफूलाई फंसाउन खाजेको आरोप लगाएका छन ।
बिहीवार एक पत्रकार सम्मेलन आयोजना गरी अध्यक्ष सिंहले स्थानीय तहको दायित्व निर्वाह गरेको कारण तीन वर्ष अघि जिल्ला अदालतबाट निक्र्यौल भइसकेको मुद्दामा पुनः उच्च अदालतमा जाहेरी दिलाएर नगर प्रमुख साहले आफूलाई फंसाउने प्रयास गरेको गुनासो गरे ।
उच्च अदालतले जारी गरेको पक्राउ पुर्जी बारे आफ्ना धारणा राख्दै भने आफूले जाहेरीकर्ता गिता देवी साहको कृषि उपज बजारमा रहेको पसल व्यक्तिगत रुपमा खाली गराएको होइन, ठेक्केदार शिव कन्स्ट्रक्सनको उजुरीको आधारमा संवैधानिक अंग स्थानीय तह जनप्रतिनिधिको रुपमा रोहबरमा मात्रै बसेको छु ।
उनले भने गुठी संस्थान र उपमहानगरपालिका कार्यालयले दिएको निर्देशनानुसार खाली गराउने काममा जिल्ला प्रशासन कार्यालय, जिल्ला प्रहरी कार्यालय सहित वडाध्यक्षको हैसियतले म पनि रोहबरमा बसेको छु । जाहेरीकर्ता राजीखुशीले आफ्नो पसलको घर खाली गरेको हो । उनले जिल्ला अदालतमा मुद्दा दिंदा हारिसकेको थियो ।
तर यता आएर फोहोर मैला व्यवस्था र सरसफाईका लागि नगर प्रमुख साह विरुद्ध आन्दोलनमा उत्रेपछि आफूलाई तह लगाउन पुनः आफ्ना कार्यपालिका सदस्य रहेका दिगम्बर चौधरीका बहिनी रहेकी गितादेवी साहलाई उक्साएर उच्च अदालतमा म विरुद्ध वडाध्यक्षको हैसियतमा नभई व्यक्तिगत रुपमा अपराधिक उपद्रव गरी सार्वजनिक सम्पति विनाश गरेको मुद्दा दर्ता मलाई फंसाउन खोजेको छ ।
वडाध्यक्ष सिंहले थप्दै भने यदि गितादेवी साहको घर खाली गराउनमा वडाध्यक्षको हैसियत यदि रोहबर बस्ने म दोषी हुँ भने प्रतिनिधिको रुपमा बसेका जिल्ला प्रहरी कार्यालय, जिल्ला प्रशासन कार्यालय, गुुठी संस्थानका प्रतिनिधि पनि दोषी हुन । त्यति मात्र नभई विगतमा फैसला गरेका जिल्ला अदालतका सरकारी वकिल कार्यालय र जिल्ला प्रहरी कार्यालय विरुद्ध पनि मुद्दा दिएको तर तिनीहरु विरुद्ध केही नलाग्ने मलाई मात्रै पक्राउ गर्नु भनेको यो संवैधानिक अंग स्थानीय तहमाथि काम गर्नमा रोक लगाउने सहितको उच्च अदालतद्वारा अन्याय गर्नु सरह नै हो ।
वडाध्यक्ष सिंहका अनुसार जनप्रतिनिधिहरुको आन्दोलनलाई मत्थर पार्नकै लागि महिनौ पछि बसेको उपमहानगरको बोर्ड बैठकको ठीक एक दिन उनकोे हाथमा पक्राउ पुर्जी परेको थियो जबकि त्यो पक्राउ पूर्जी २०७८ कार्तिक २३ गतेकै दिन अदालतबाट पक्राउ पूर्जी जारी गरिएको थियो । उनले भने ‘पक्राउ पूर्जी २ महिना अगाडी नै जारी गरिएको थियो, तर बोर्ड बैठकमा बिरोधका स्वरहरु नसुनियोस त्यसकै लागि नगरप्रमुखले बोर्ड बैठक बस्नुभन्दा ठीक एक दिन अगाडी मेरो हातमा पक्राउ पूर्जी पठाइएको थियो ।’ जनकपुरधाम उपमहानगरपालिका वडा नम्बर ४का वडाध्यक्ष सुदर्शन सिंह बिरुद्ध २०७८ कार्तिक २३ गते पक्राउ पूर्जी जारी गरिएको थियो ।
घटना यस्तो हो
वि.सं. २०७४ सालमा कृषि उपज बजार (शुक्रबारी बजार) घर भाडा लिएका ठेकेदार कम्पनी शिवम् कन्सन्ट्रक्नसले आफूले लिएको घर भाडामा गिता देवी साह र विन्देश्वर साहले कब्जा गरी उपभोग गरिरहेकोले त्यसलाई खाली गराई दिन जिल्ला प्रशासन कार्यालयमा जाहेरी दिएका थिए । सो जाहेरीको आधारमा जिल्ला प्रशासन कार्यालयले गुठी संस्थान र जनकपुरधाम उपमहानगरपालिकालाई निवेदकको मांग बमोजिम कारवाही गर्न आदेश दिएको थियो ।
त्यसपछि उपमहानगरपालिका कार्यालयले वडानम्बर ४ कार्यालयलाई ३५ दिने सुचना टाँस गरी कारवाही प्रक्रिया अघि बढाउन पत्राचार मार्फत निर्देशन दिएको थियो । सो निर्देशन कार्यान्वयन गर्न वडा कार्यालयले ३५ दिने सूचना टाँस गरियो, सो अवधिमा विपक्षीले घर खाली नगरेपछि जिल्ला प्रहरी कार्यालय भदौ ७ गते जानकारी गराई दिन सहयोग मांगिएको थियो ।
भदौ २१ गतेका जिल्ला प्रहरी कार्यालय, जिल्ला प्रशासन कार्यालय, गुठी संस्थानको प्रतिनिधित्व र वडाध्यक्ष सिंहको रोहबरमा विपक्षी गितादेवी साह र विन्देश्वर साहले शिवम कन्स्ट्रक्सनले भाडामा लिएको घरमा संचालन गर्दै आएको पसल राजीखुशीले खाली गरेको कुरा लोकपुकारलाई उपलब्ध कागजातले देखिएको छ । उपमहानगरले पत्र काटेकै आधारमा वडाध्यक्ष सिंहले जिल्ला प्रशासन कार्यालय धनुषा, गुठी संस्थान जनकपुरधामको प्रतिनिनिधिको रोहवरमा गीतादेवीको पसल खाली गराउन लगाएका थिए । पसलबाट खाली गराइएका सामानहरु उनीहरुलाई नै बुझाइएको वडाध्यक्ष सिंहले दाबी गरे ।
आपराधिक उपद्रवका साथै सर्वाजनिक संरचनामा तोडफोड गरेको आरोपमा वडाध्यक्ष सिंह सहित ५ जनाबिरुद्ध जिल्ला अदालत धनुषाबाट पक्राउ पूर्जी जारी गरिएको थियो । सिंह सहित शिवम कन्सट्रक्सनका खुश्वु सिंह, कुञ्जयकुमार सिंह, जीवछ साह र उपेन्द्र यादव बिरुद्ध पक्राउ पूर्जी जारी गरिएको थियो । उनीहरु बिरुद्ध जनकपुरधाम वडा नम्बर ४ मै रिंकु स्टोर्स नाम पसल संचालन गर्दै आई रहेकी गिताकुमारी साहको जाहेरीको आधारमा पक्राउ पूर्जी जारी गरिएको हो ।
सोही रिसमा गीतादेवीले शिवम कन्स्ट्रक्सनको संचालिका खुश्वु सिंह सहित जिल्ला प्रहरी कार्यालय, वडाध्यक्ष सिंह लगायत बिरुद्ध जिल्ला अदालत धनुषामा मुद्दा दिएका थिए । तर जिल्ला अदालत धनुषाले गीतादेवी बिरुद्ध आदेश दिएपछि परमादेशका लागि उच्च अदालत जनकपुरधाम पुगेकी थिइन् । गीतादेवीले एउटै व्यहोरा उल्लेख गरेर निषेधाज्ञा, परमादेश, उत्प्रेषण, लुटपाट, आपराधिक उपद्रव, सार्वजनिक सम्पति गरी १ दर्जनभन्दा बढी मुद्दा दर्ता गराएका थिए । ती सबै मुद्दामा गीता बिरुद्ध अदालतले फैसला दिएको देखिएको छ ।
फैसला भई सकेको मुद्दालाई ३ वर्षपछि फेरी ब्युँताएर हुलाक मार्फत जाहेरी दिन लगाएर आफू बिरुद्ध पक्राउ पूर्जी जारी गराउन लगाइएको सिंहले बताए । यसरी नगरप्रमुख साहले अदालतसैग सेटिंग गरेर ३ वर्ष पहिला फैसला भइसकेको मुद्दामा हुलाक मार्फत पुनः जाहेरी दर्ता गराई फंसाउन खोजेको आरोप लगाउंदै वडाध्यक्ष सिंहले भने जनप्रतिनिधिको हैशियतमा मैले काम गरेको हुँ यस्तै अवस्था रहेभने काम गर्ने मनोबल टुटनेछ ।
यो विषयमा आफ्नो प्रतिक्रिया दिनुहोस् !