जनकपुरधाम । नेपाली कांग्रेस प्रदेश २ को निर्वाचनमा भएको कुटाकुटमा करीब आधा दर्जन कार्यकर्ता घाइते भएका छन ।
निर्वाचन स्थल जनकपुरधामको गोपाल धर्मशालामा सभापतिका उम्मेद्वार रामसरोज यादव र कृष्ण यादव समुहबीच निर्वाचन गराउने÷नगराउने विषयमा भएको विवादमा कुटाकुट भएको हो । सो कुटाकुटमा परी करीब आधा दर्जन व्यक्ति सामान्य घाइते भएको र दर्जनौ कुसी तोडफोड भएको बताइएको छ । अत्यधिक भीडभाड रहेको कारण घाइतेहरुका नाम ठेगान खुल्न सकेको छैन ।
प्रदेश निर्वाचन समितिले अन्तिम नामावली प्रकाशन ढिलो गरेको र मतपत्र समयमै नछापिएको कारण बिहान ८ बजे भनिएको निर्वाचन ढिलो हुन गएपछि विवादको अवस्था श्रृजना भएको हो ।
रामसरोज समूहले ढिलो भइसकेको कारण लाइट सहितका व्यवस्थापन नरहेको भन्दै भोली निर्वाचन गराउन मांग गर्दै आएका थिए भने कृष्ण समुहले जसरी भएपनि आजै गर्नुपर्ने अडान राखेपछि दुवै समुहबीच विवाद भएको थियो ।
निर्वाचन अधिकृत प्रहलाद गौतममले मतपत्र पनि पुरा छापिएको छैन, रातिमा चुनाव गराउन बिजुल बतीको पर्याप्त व्यवस्था नरेको अहिले केही भन्न सक्ने अवस्था छैन, दुवै पक्ष सहमति गरेर कुनै निष्कर्षमा पुग्ने बताएका छन ।
निर्वाचन स्थलमा दुवै समुहले होहल्ला र नाराबाजी गरिरहेको छ । निर्वाचन स्थलको अवस्था तनावग्रस्त रहेको छ भने निर्वाचन स्थलको मुख्यद्वार र परिसरमा व्यापक रूपमा प्रहरी परिचालन गरिएको छ ।
यो विषयमा आफ्नो प्रतिक्रिया दिनुहोस् !