जनकपुरधाम । कोभिड १९ प्रभावित धनुषाको गणेशमान चारनाथ नगरपालिकका अति गरीब, भूमिहीन र वैदेशिक रोजगार गुमाएका परिवाहरुको आयआर्जनका लागि तरकारी खेती वरदान साबित हुँदै गएको छ ।
यूएनडिपीको आर्थिक सहयोगमा सामुदायिक सुधार केन्द्र (सीआईसी) धनुषाद्वारा अन्तर्गत गणेशमान चारनाथ नगरपालिकाका वडा नम्बर १, ४ ८, ९ र १० का कोभिड १९ बाट प्रभावित अति गरीब, भूमिहीन र वैदेशिक रोजगार गुमाई घरमा बसेकाहरुलाई गराइएको तरकारी खेतीले आय आर्जनमा निकै टेवा पुरयाएको छ ।
नदी उकास बगर, नगरपालिकाको पर्ती र लिजमा लिइएका निजी जग्गामा कोभिड १९ ले आर्थिक मारमा परेका रोजगार गुमाएका अति विपन्न, विपन्न, गरीब र वैदेशिक रोजगार गुमाएका परिवारको जिविकोपार्जनमा मद्दत पुरयाउन र आत्मनिर्भर बनाउने उद्देश्यले करीब ३२ विग्घामा तरकारी खेती गराउंदै आएको कार्यक्रम संयोजक पवन कुमार यादवले जानकारी दिएका छन ।
सार्वजनिक, बगर गरी २० विग्घा र निजी लिजमा लिइएका १२ विग्घा खेतमा सो नगरपालिकाका एक सय ८० लक्षित घर परिवारलाई यस वर्षपनि आलू, मूला, रायो साग, काउली, भाँटा, धनिया लगायतका सामूहिक तरकारी खेती गराई रहेका छन । सो तरकारी खेतीका लागि नगरपालिकाले पर्ती जग्गा, सिचाई र पोखरी मरम्मत लगायतका सहयोग गरिरहेको संयोजक यादवले भने ।
उनका अनुसार सो सामुहिक खेतीमा संलग्न घर परिवारहरुलाई खेतीका लागि आवश्यक कृषि औजार, सिंचाई, मल र बीउहरु लगायतका सामाग्रिहरु उपलब्ध गराई प्रविधिक सहयोग समेत गर्दै आएका छन । गत वर्ष सो कार्यक्रम अन्तर्गत एक सयभन्दा बढी लक्षित घर परिवार लाभान्वित भएका थिए ।
तरकारी खेतीमा संलग्न वडा नम्बर ४ स्थित समूहकी सबिता भुजेलले भनिन् कोभिड १९ ले आफू जस्ता धेरै विपन्न तथा गरीब परिवारले रोजगार गुमाएका थिए । हामीलाई खाना लाउन धौ धौं परिरहेको बेला यूएनडिपीको सहयोगमा सिआईसीले गराएको सामूहिक तरकारी खेतीले जिविकोपार्जनमा सहयोग मात्रै आर्य आर्जन गर्न आत्मनिर्भर बनाउन वरदान नै साबित भएको छ ।
त्यस्तै सोही वडाका वैदेशिक रोजगार गुमाएका अर्का लक्षित परिवारका अनिल दर्लामीले भने कोभिड १९ को कारण हामीले रोजगार नै गुमाएको थियो, ती समयमा कसैले ऋण साप्टी दिन मान्ने अवस्था रहेकोमा आफूहरुका लागि सामूहिक तरकारी खेतीले घर परिवार चलाउनुका साथै आय आर्जनमा निकै मुद्दत पुरयाएको छ, हाम्रा लागि विपतका बेलामा वरदान नै हुन ।
यसैगरी वडा नम्बर ८ का ललित पासवानले पनि सीआईसीले यूएनडिपीको सहयोगमा गरीब विपन्न परिवारहरुको जिविकोपार्जन र आयआर्जनमा टेवा पुरयाउन तरकारी खेतीले हामीलाई जीवन उक्सान निकै मद्दत पुगेको यो कार्यक्रम दिर्घकालिनसम्म चले अझ राम्रो हुनेछ ।
यूएनडीपीको आर्थिक सहयोगमा सिआईसीले कोभिड १९ प्रभावित परिवारको आयआर्जन तथा आत्म निर्भर बनाउन तरकारी खेतीका साथै हाइब्रिड बोका वितरण, माछा पालन र तरबूज खेती लगायतका समुदाय स्तरमा सामूहिक कार्यक्रम संचालन गर्दै आएका छन ।
यो विषयमा आफ्नो प्रतिक्रिया दिनुहोस् !