जनकपुरधाम । भ्रष्टाचारी मुख्यमन्त्री लालबाबु राउतको अनुहार लिएर आगामी निर्वाचनमा जान नसकिने मन्त्रीबाट बर्खास्त गरिएका मंगलवार प्रदेश २ सकारका उद्योग, पर्यटन, वन तथा वातावरण मन्त्री रामनरेश रायले बताएका छन ।
मन्त्री पदबाट बर्खास्त गरिएपछि संचारकर्मीसंग प्रतिक्रिया दिदैं भने राजीनामा मैले होइन भ्रष्टाचारका आरोप लागेका मुख्यमन्त्री लालबाबु राउतलाई दिनुपर्छ । भ्रष्टाचारी मुख्यमन्त्रीकाे अनुहार लिएर आगामी चुनावमा गए भने पार्टीका लागि घातक हुनेछ ।
पछिल्लो पटक मुख्यमन्त्री कार्यालयमा साइकल खरीदमा भ्रष्टाचार भएकाे प्रमाणित भइरहेकाे अवस्था पछि घिनाउनु भन्दा पहिला नै नैतिकताको आधारमा राजीनामा दिनुपर्ने मांग गरेपछि मलाई नियतवश बर्खास्त गरिएको हो ।
रायले भने असोज १३ गते मुख्यमन्त्री कार्यालयमा साइकल खरीद प्रकरणमा अख्तियारले छापामारी गरेपछि राजेन्द्र श्रेष्ठको निवासमा बसेको बैठकमा यो घटना पार्टीलाई बदनाम गराउने भएको हुनाले मुख्यमन्त्री सहित विभिन्न मन्त्रीलाई हटाएर नयाँलाई मौका दिनुपर्ने सहमति भएको थियो ।
सहमति हुँदाहुँदै यहाँलाई मन्त्री पदबाट किन बर्खास्त गरियो भन्ने प्रसंग रायले भने साइकल भ्रष्टाचार प्रकरणले पार्टी भित्रै मुख्यमन्त्री राउतको निकै आलोचना भइरहेको छ, मुख्यमन्त्री कार्यालयको घटनाले पार्टी धुमिल बनाउने भएकोले नौतिकताको आधारमा राजीनामा दिएर मार्ग प्रसस्त गर्ने कुरा पार्टी भित्र र विभिन्न संचारमाध्यममा कुरा राख्दै आएको कारण आफूलाई सहमति विपरित हटाइएको हो ।
उनले भने अख्तियारले प्रारम्भिक चरणको अनुसन्धानमा अनियमितता भएको प्रमाणित भइसकेको अवस्थामा भ्रष्टाचार भएको हो भन्ने कुरालाई नकार्न सकिदैन, यस्तो अवस्था भ्रष्टाचारी मुख्यमन्त्रीलाई चुनावमा जान पार्टीलाई घातक हुनेछ ।
नेकपा एकीकृत समाजवादी पार्टीलाई सरकारमा सहभागी नै गराउनुपर्ने पार्टीको बाध्यता थियो भने यसअघि कांग्रेस र माओवादीलाई सरकारमा सहभागी गराउन जुन रुपले कार्यदल गठन गरेर निर्णय गरिएको थियो । सोही पद्धति अपनाएर पार्टीले मलाई निर्देशन दिन सक्थ्यो तर त्यसो नभई व्यक्तिगत निर्णयबाट पदीय शक्तिको दुरुपयोग गरी मलाई हटाइएको उनले पीडा सुनाए ।
उनले भने पार्टीको कार्यकारिणी सदस्य म पनि हो र मुख्यमन्त्री राउत पनि हो, मन्त्रि पदबाट कसलाई हटाउने वा राख्ने निर्णय पार्टी नेतृत्व पंक्तिको निर्णयबाट पद्धति अनुसार आउनुपर्ने हो, तर मसँग भएको घटना व्यक्तिगत ईष्र्या उतार्न नियतवश गरिएको हो ।
जुन बेला तात्कालिन समाजवादी पार्टी आन्तरिक विवादले फुटको कगारमा थियो त्यस बेला राजपासँग एकीकरण गराएर जसपा निर्माणमा मेरो ठूलो भूमिका थियो, त्यति मात्र नभई जसपा विभाजनको बेला पनि मैले राजपालाई छाडेर जसपामै बसेर बहुमत जुटाउन सहयोग गरे । संकटको बेला मैले नै साथ दिएको थिए न कि लालबाबु राउतले, भ्रष्टाचार प्रमाणित भइरहेका व्यक्तिलाई सरकारमा टिकाई राखे भने पार्टीका लागि नै घातक हुनेछ ।
अब त तपाईलाई मन्त्री पदबाट हटाइ सकिएको छ न्यायका लागि के गर्ने भन्ने जिज्ञासामा रायले भने यो म पनि कार्यकारिणी सदस्य हो, यो कुरा संसदीय दल र कार्यकारिणी समितिको बैठकमा कुरा उठाउंछु । पार्टीको साख जोगाउन भ्रष्टाचारी मुख्यमन्त्रीलाई नौतिकताको आधारमा राजीनामा दिलाउन पार्टी भित्रै दबाव श्रृजना गर्नेछु ।
नेकपा एकीकृत समाजवादी पार्टीलाई सरकारमा सहभागी गराउन मुख्यमन्त्री राउतले मंगलवार उनलाई पदमुक्त गरेको थियो । हुनत दुई÷तीन दिनअघि नै रायसँग राजीनामा दिनुपर्ने अवस्था आउन सक्ने जानकारी मुख्यमन्त्री राउतले जानकारी गराएका थिए । तर रायले राजीनामा म होइन तपाईले दिनुपर्ने अडान गरेको थियो ।
यो विषयमा आफ्नो प्रतिक्रिया दिनुहोस् !