जनकपुरधाम । जनकपुरधाम उपमहानगरपालिकाले नगर भित्र थुपारिएका फाेहाेर तीन दिनभित्र व्यवस्थापन गरिने प्रतिबद्धता जनाएकाे छ ।
आइतबार अबेर सांझसम्म आन्दाेलनरत वडाध्यक्षहरूसंग भएकाे बैठकमा उपमहानगर निमित प्रमुख मेहीलाल यादवले यस्ताे प्रतिबद्धता जनाएकाे हाे ।
प्रहरी प्रशासनकाे राेहबरमा भएकाे साे बैठकमा तीन दिन दिपावली अघि नगरपालिका क्षेत्रभित्रका सम्पुर्ण फाेहाेर उठाएर व्यवस्थापन गरिने प्रतिबद्धता सहितका ट्याक्टर, सफाईकर्मि व्यवस्थापन सहितका ४ बुदे सहमति भएकाे वडा नम्बर ७ का अध्यक्ष जानकीराम साहले जानकारी दिएका छन ।
फाेहाेर उठाउनका साथै तीन दिन भित्रै प्रत्यके वडामा २५ वटा टयाक्टर र सफाईकर्मी व्यवस्थाका साथै दिर्घकालिन सरसफाई व्यवस्थापनका लागि बाेर्डकाे बैठक गरिने बैठकबाट निर्णय गरिएकाे वडा नम्बर ४ का अध्यक्ष सुदर्शन सिंहले बताए ।
उनले भने एक दुई दिनभित्र ज्ञापनपत्र बुझाउने छाै यी निर्णयहरू कार्यान्वयन भएन न भने उपमहानगरपालिका कार्यालय विरूद्ध चरणबद्ध रूपमा हामी आन्दाेलन गर्नेछाै ।
फाेहाेर नउठाइएकाे भन्दै वडाध्यक्ष साहकाे अगुवाईमा वडाध्यक्षहरूले मेयर लालकिशाेर साहकाे निवास अगाडि फाेहाेर थुपार्नुकाे साथै उपमहानगर कार्यालय अगाडि बिच सडकमै फाेहाेरकाे गाडी थन्काएर घण्टाैसम्म धर्ना दिदै विराेध प्रदर्शन गरेका थिए ।
यो विषयमा आफ्नो प्रतिक्रिया दिनुहोस् !