जनकपुरधाम । फोहोर व्यवस्थापन नगरिएको भन्दै जनकपुरधाम उपमहानगरपालिकाकाका मेयर विरूद्ध विरोध प्रदर्शनमा उत्रेका छन ।
आइतवार बिहान उपमहानगरपालिकाका एक दर्जनभन्दा बढी वडाध्यक्षहरु महिनौदेखि ताकेता गर्दा पनि मेयर लालकिशोर साहले फोहोर व्यवस्थापनमा नगरेकाे गर्दै भन्दै विरोध प्रदर्शनमा उत्रेका हुन ।
आक्रोशित वडाध्यक्षहरुले मेयर साहको निवास अगाडि फोहोर थुपार्नुका साथै उपमहानगरपालिकाको कार्यालयमा फोहोर थुपार्न जांदा प्रहरीले अवरोध गरेपछि कार्यालय अगाडि सडकमै फोहोरको गाडी थन्काएर धर्ना दिदै विरोध प्रदर्शनमा उत्रेका छन ।
फोहोर व्यवस्थापनका लागि महिनाै पटक पटक ताकेता गर्दा पनि उपमहानगरपालिकाका मेयर साहले कुनै वास्ता नगरी भ्रष्टाचारमा लिप्त रहेकाे कारण वडा दुर्गन्धित भयाे भन्दै स्थानीयले आफुहरूलाई गाली गरिरहेकाे कारण बाध्य भई आन्दोलनमा उत्रिनु परेको वडा नम्बर ७ का अध्यक्ष जानकीराम साहले बताए ।
ल्याण्डफिल्ड साइटको आभावमा फोहोर व्यवस्थापनको समस्या वर्षौदेखि रहेको छ । उपमहानगरको भोइलमा ल्याण्डफिल्ड साइट निर्माणका लागि गत दुई वर्षअघि ४८ करोड रुपैया समेत विनियोजन गरियो तर कमीशन चाँजोपाँजो मिल्न नसक्दा बजेट फ्रीज हुन गएको आरोप उनले लगाए ।
फोहोर व्यवस्थापनको नाममा मेयर साहले प्रत्येक वर्ष करोडौ रुपैया खर्चिदै आएको छ तर फोहोर व्यवस्थापन आजसम्म कागजमै सिमित भई भ्रष्टाचार हुँदै आएको आरोप लगाउँदै वडा नम्बर ४ का अध्यक्ष सुदर्शन सिंहले फोहोर व्यवस्थापन गरिएन भने मेयरलाई कालोमोसो दल्नेछौं चेतावनी दिए ।
उनले भने मेयर साह आफ्नो निवास अगाडिको सडक दिनमा तीन/तीन पटक सरसफाई गर्दै टिलिक पारेका छन तर नगरको थन्किएको फोहोरलाई बेवास्ता गर्दै आएको कारण सांकेतिक रुपमा उनको निवास अगाडि फोहोर थुपारेका हौं, अब उपमहानगरको कार्यालयमै थुपार्नेछौं ।
सरसफाईकाे उपमहानगरपालिका कराेडाै खर्च गरिरहेकाे छ । तर त्याे रकम काममा नभई कागजमै सिमित राखि मेयर साहले भ्रष्टाचार गर्दै आएकाे आराेप लगाउंदै वडा नम्बर २ का अध्यक्ष शिवकुमार साहले मेयर साहकाे बेवास्ताका कारण आफुहरूलाई जनताबाट खानु परिरहेकाे बताए ।
उनले भने दिपावली छठ जस्ता पर्वमा उपमहानगरपालिकाले सरसफाई नगर्दा आफुले आफ्नै रकम खर्चेर सरसफाई गरेपनि फाेहाेर कहाँ फाल्ने समस्या भएकाे छ । मेयरलाई ताकेता गर्दा गर्दा थाकिसकेपछि बाध्य भएर आन्दाेलनमा उत्रिनु परेकाे हाे ।
फोहोर व्यवस्थापन त कुरै छाडौ दीपावलीका लागि नगरमा बिजुली बती व्यवस्थापन गर्न करीब ६ करोड रुपैया छुटयाइएपनि वडाहरुमा ५० वटाको दरले मात्र बल्ब उपलब्ध गराई बाँकी रकम कागजमा मिलान गरिएको आरोप वडा नम्बर १ का अध्यक्ष शत्रुध्न साहले लगाए ।
जनप्रतिनिधिहरुले अतिव्यस्त सडक शिवचोक देखि भानु चोक जाने बाटोमा उपमहानगरपालिकाको कार्यालय अगाडि ट्याक्टरमा राखिएको फोहोरले सडक जाम गरी धर्नामा बसेको कारण बिहान बिहानैदेखि घण्टौसम्म सकड अवरुद्ध रहेको थियो ।
फोहोर व्यवस्थापनका नाममा प्रत्येक वर्ष ४ करोडभन्दा बढी रकम खर्च गरिदै आएको छ तर हालसम्म समस्या समाधान हुन सकेको छैन । यस वर्षपनि करीब ८ करोड रुपैया छुटयाइएको छ । तर ल्याण्डफिल्ड साइट आभावमा ४ महिनादेखि फोहोर नगरको सडकमै थुपारेर राखिएको, फोहोर व्यवस्थापन नभएसम्म आफूहरु चरणबद्ध रुपमा आन्दोलनमा रहने चेतावनी वडा नम्बर ३ का अध्यक्ष दिपेन्द्र साहले दिए ।
बजार क्षेत्र बाहिर नगरको विभिन्न खाली ठाउँमा केही महिनाअघिसम्म किस्ता किस्तामा फोहोर फालिदै आएको थियो । तर सबै ठाउँमा दुर्गन्धित भयो भन्दै स्थानीयले विरोध गर्न थालेपछि करीब ४ महिनादेखि उपमहानगरपालिकाले प्रमुख बजार क्षेत्रमा रहेको अतिथि सदमा थन्काउंदै आएको थियो । तर स्थानीय उद्योगी व्यवसायीहरुले त्यहाँपनि विरोध जनाउन थालेपछि करीब दुई सातादेखि नगरको फोहोर उठन सकेको छैन ।
यो विषयमा आफ्नो प्रतिक्रिया दिनुहोस् !