जनकपुरधाम । करारमा शिक्षक भर्नाका लागि परीक्षा आर्थिक चलखेलमा धनुषाका एक विद्यालयमा विज्ञ परिवर्तन गरिएकाे आराेप लगाइएकाे छ ।
धनुषाकाे धनाैजी गाउंपालिका ४ काे भडरिया स्थित श्री रा.प्रा.वि. भडरियामा करारमा शिक्षक भर्नाका लागि परीक्षा अगावै आर्थिक चलखेलमा परीश्क्षामा सहभागी हुने विज्ञ परिवर्तन गरिएकाे हाे ।
श्राेतका अनुसार शिक्षा विकास तथा समन्वय इकाई धनुषाका विद्यालय प्रशासन फांटका कर्मचारी रिना साहले परीक्षा सहभागी हुने उम्मेदवारसंग माेटाे रकम लिई सम्बन्धित विद्यालय प्रमुखलाई प्रभावमा पारी परीक्षाकाे ताेकिएकाे मिति पर सारेर विज्ञ परिवर्तन गरेकाे छ ।
परीक्षामा सहभागी हुने एक उम्मेदवारले नाम उल्लेख गर्ने शर्तमा भने परीक्षाकाे मिति कातिक ५ गते ताेकिएकाे थियाे तर साे समयावधि शिक्षाइकाई समितिका साहले सेलेक्टिव विद्यार्थीसंग लाखाै रूपैया लिई विज्ञ परिवर्तन गर्न परीक्षाकाे मिति सारेकाे हाे ।
श्राेतका अनुसार कातिक ५ गते परीक्षा लिने गरि ठेरा मा.वि. का शिक्षक शिवनन्दन राय र यदुकाेहा मा.वि. का शिक्षक सन्ताेष महताेलाई विज्ञकाे रूपमा चयन गरिएकाे थियाे । तिनीहरूकाे नाममा पत्र समेत काटि कातिक ४ गते काटि फांटमा चलानी समेत गरियाे ।
तर ती शिक्षकहरूले सेलेक्टिव उम्मेदवारलाई मात्र परीक्षामा उतिर्ण गर्ने भन्ने कुरामा विज्ञ पदकाे गलत दुरूपयाेग नगर्ने भनी अस्वीकार गर्दा विज्ञ परिवर्तन गर्न परीक्षाकाे मिति सारेर कातिक १० गते बुधवार लगिएकाे श्राेतकाे भनाई छ ।
विज्ञबाट हटाइएकाे भनिएकाे रायले भने आफुलाई साे परिक्षामा विज्ञका लागि चयन गरिएकाे भन्ने कुरा अनाैपचारिक रूपमा जानकारी भएपनि आैपचारिक लिखित जानकारी भएन जहांसम्म आफुलाई हटाउने कुरा हाे के कति कारणले हटाइयाे थाहा भएन ।
जनकपुरधाम स्थित ज्ञानकुप संस्कृत मा.वि. मा बुधवार हुने परीक्षाका लागि राय र महताेकाे ठाउंमा बेंगाडावर मा.वि. का प्र. अ. विश्वनाथ महताे र बसहिया मा. वि. का शिक्षक शम्भु साहलाई विज्ञ बनाइएकाे बुझिएकाे छ ।
यता परीक्षा के कति कारणले सारिएकाे बारे विद्यालयका प्र.अ. अनिल कुमार साहले भने तयारी अपुग भएपछि परीक्षा सारिएकाे हाे ।
उनले भने व्यवस्थापन समितिले तयारी गर्न सकेकाे थिएन, विज्ञ छनाैट बारे शिक्षा इकाई समितिले जानकारी दिएन, प्रश्नपत्र समेत तयार हुन नसकेकाे र शिक्षा संयाेजक समेत बाहिर गएकाे कारण परीक्षा सार्नु परेकाे हाे ।
परीक्षा अगावै छनाैट गरिएका विद्यार्थीसंग आर्थिक चलखेलमा विज्ञ परिवर्तन गर्न परीक्षाकाे मिति सारिएकाे जिज्ञासामा आर्थिक अनियमिता बारे ठाडाे अस्वीकार गर्दै भने याे गलत आराेप हाे ।
उनले भने गाउंवासीकाे बीचमा परीक्षा हुनेछ र कुनैपनि विज्ञ आए परीक्षा केन्द्रमै प्रश्नपत्र तयार गरिनेछ । यस्ताे अवस्थामा कसरी आर्थिक अनियमितता गरि उम्मेद्वार छनाैट गर्न सकिनेछ । शिक्षामा विकृति शिक्षा इकाईकाे याे उदाहरण मात्र हाे शिक्षक सरूवा बढुवादेखि करारमा शिक्षक नियुक्ति, पुरानै मिति राहत शिक्षक, र बालविकास शिक्षक लाखाै रूपैयाकाे चलखेलमा हुँदै आएकाे छ ।
यो विषयमा आफ्नो प्रतिक्रिया दिनुहोस् !