जनकपुरधाम । नेपाली कांग्रेसका उपसभापति विमलेन्द्र निधीले देश अहिले नेपाली कांग्रेसलाई खोजिरहेको दावी गरेका छन् ।
जनकपुरधाममा कार्यकर्ता भेलालाई सम्बोधन गर्दै उपसभापति निधिले कांग्रेसलाई नै नेपाली जनताले सत्तामा बनी रहोस चाहिरहेको बताए ।
पूरै देश नेपाली कांग्रेसलाई एकटक आंखा लगाएर हेरिरहेको भन्दै उपसभापति निधिले त्यसैले एक डेढ वर्षपछि हुने आगामी निर्वाचनलाई देश र नेपाली जनता व्यग्रता पूर्वक प्रतिक्षा गरिरहेको छ ।
थप्दै उनले भने ‘सो निर्वाचनमा नेपाली कांग्रेसलाई बढीभन्दा बढी मत दिएर देशको बागडोर नेपाली कांग्रेसलाई सुम्पन नेपाली जनता तयार रहेको छ । तर त्यसलाई गन्तव्यसम्म पुर्याउने जिम्मेबारी कांग्रेसीहरुको काँधमा आएको बताए ।
उपसभापति निधिले यस अघिको निर्वाचनमा अन्य दललाई मत दिएर त्यसको दुष्परिणामा नेपाली जनताले भोगि सकेको बताउँदै गत ३ वर्षमा नेपाली जनताले देखेको अराजकता फेरी हेर्न नपरोस चाहिरहेको बताए ।
अन्य दलको हातमा सत्ता गएकै कारण कार्यपालिका, न्यायपालिका तथा व्यवस्थापिका सहित देशको सम्पूर्ण अंग अस्तव्यस्त छ, उनले भने ‘ देशमा अराजकता बढेको छ, व्यक्तिगत जीवनसम्म दुश्कर भई सकेको छ, देशमा गरिबी, महँगी बढेको बढ्यै छ ।’
उपसभापति निधिले आफुलाई सभापतिमा एकपकट अवसर दिएर आफू भित्र रहेको कमी कमजोरी सच्याउने अवसर प्रदान गर्न कार्यकर्ताहरुलाई आग्रह गरे ।
दशैँ मनाउन काठमाडौँबाट गृहनगर जनकपुरधाम आएका उपसभापति निधिले कांग्रेसको १४ औँ महाधिवेशनमा आफुलाई सभापतिको दावेदारको रुपमा प्रस्तुत गर्दै उनले यसका लागि पनि विगतका कमीकमजोरी सच्याउदैँ हातेमालो गर्दै म अघि बढ्न तयार रहेको बताए ।
उनले आफु कांग्रेसको सभापति भएपछि गाछी छापलाई अत्याधिक बहुमतका साथ जिताउने दावी गरे ।
आफु जनकपुरधाम आउनुपूर्व प्रधानमन्त्री शेरबहादुर देउवासंग भेटघाट गरेर आएको जानकारी दिदैँ उनले भने ‘प्रधानमन्त्री शेरबहादुर देउवा सरकारले पूर्णता नपाउँदा चिन्तित हुनु हुन्छ ।
यो विषयमा आफ्नो प्रतिक्रिया दिनुहोस् !