जनकपुर, धनुषाको एक स्थानीय तहको वडा कार्यालयमा जनप्रतिनिधिहरुले अनियमितता भएको भन्दै तालाबन्दी गरेको छ ।
वडाध्यक्ष रामदुलालरले आर्थिक अनियमितता गरेको भन्दै धनुषाको धनौजी गाउँपालिकाको वडा नम्बर ३ का वडा सदस्यहरुले स्थानीयको सहयोगमा झोझी कटैयामा रहेको वडा कार्यालयमा तालाबन्दी गरेका छन ।
अध्यक्ष मण्डलले गत आ.ब.मा विभिन्न शिर्षकमा लाखौ रुपैया अनियमितता गरेको भन्दै विरोध प्रदर्शन गर्दै स्थानीयको सहयोमगा आफूहरुले वडा कार्यालयमा तालाबन्दी गरेको वडा सदस्य राजकुमार महतोले जनाएको छ । छानबीनको मांग गर्दै वडा सदस्यहरु रामकुमार महतो, रामखेलावन पासवान, समाना खातुन र जीतोदेवी मण्डल सहितका तालाबन्दी गरेका स्थानीयले जबसम्म छानबीन गरी भ्रष्टाचारी वडाध्यक्षलाई कारवाही हुदैन तबसम्म तालाबन्दी जारी रहने छ ।
गरिब तथा विपन्न परिवारका लागि कम्बल वितरण गर्न वडालाई धनौजी नगरपालिकाले १२ लाख रुपैयाँ विनियोजन गरेपनि हालसम्म कम्बल वितरण नगरेको वडा सदस्य महतोले आरोप लगाएका छन । उनका अनुसार सिलाई मेसिनका लागि ३ लाख रुपैयाँ, झोझी टोल सडक निर्माणमा ४४ लाख रुपैयाँ मध्ये १० लाख रुपैयाँको मात्र काम भएको छ ।
आँखा उपचार केन्द्रका लागि औषधि, मेसिन वापत १४ लाख रुपैयाँ बजेट लिएको भएपनि औषधि तथा मेसिन खरिद नगरेको र आयुर्वेद औषधालयको १८ लाख रुपैयाँको चेकको निकासा भएपनि औषधि खरिद नगरिएको स्थानीयवासी तथा वडा सदस्य जितो देवी मण्डलले बताईन ।
त्यस्तै दुर्गा मन्दिरको निर्माणका लागि ५ लाख रुपैयाँ लिएपनि झोझीकटैयामा दुर्गा मन्दिर नै नभएका, स्थानीय किसानका लागि मुंग दाल खेतीका लागि ९० किलो बिउ, ५० बोरा जैविक मल र२७ वटा टयांकी किनिएपनि हालसम्म वितरण नगरिएको उनले आरोप लगाए ।
किसान लागि वितरणका लागि खरीद गरिएको तीन ईन्चको ३ थान स्यालो ट्युवेल, ८ सय किलो जिंक लगायतका सामाग्री वितरण नगरी वडाध्यक्ष मण्डलले सबै योजना तथा कार्यक्रमहरु गत आर्थिक वर्षमा नै गर्नका लागि रकम निकासा गराएपनि हालसम्म वितरण नगरी अनियमितता गरेको आरो जितो देवीको रहेको छ ।
उता वडाध्यक्ष रामदुलार मण्डलसँग यस बारे जिज्ञासा राख्दा उनले भने आफूमाथि लगाइएको आरोप निराधार र झुठा हो वडा सदस्यहरु लगाएको आरोप मध्ये कतिपय योजनाहरु गाउँपालिका आफै संचालन गर्ने गरेको कारण त्यसमा के भो आफूलाई थाहा छैन, तर वडा मार्फत हुने सबै योजनाको काम भएको हो ।
यो विषयमा आफ्नो प्रतिक्रिया दिनुहोस् !