जनकपुरधाम, भदौ १३ गते । धनुषाका प्रहरी उपरिक्षक (एसपी) प्रकाश रानाभाटको नामबाट सामाजिक सञ्जाल फेसबुकमा बनेकाे आईडीबाट विभिन्न व्यक्तिहरुसँग मांग्दै आएको फेला परेको छ ।
जनकपुरका पत्रकार दिपक कर्ण र दिपक कुमार चाैधरीसंग हिन्दी भाषामे अर्जेन्ट है कुछ पैसे सहयाेग कराे भनी रकम मांगेकाे फेला परेकाे छ । कर्णसंग २० हजार र चाैेधरी संग १५ हजार रूपैया गुगल पे मार्फत पठाउन भनेकाे छ । यी दिपकद्वय बाहेक कयाै जनालाई फेसबुक मैसेन्जरबाट रकम मांगिएकाे छ ।
घटना बारे एसपी रानाभाटले आफ्नाे नामकाे नक्कली फेसबुक आईडी बनाएर जनकपुरधामका केही व्यक्तिहरुसँग रकम मांग्दै आएको कुराबाट सचेत हुन उनले आफ्नो फेसबुक आईडीमा लेखेका छन ।
उनी आफ्नो फेसबूक आईडीमा लेखेका छन मेरो नामबाट कोही व्यक्ति रकम माग्दै छ । तिनीहरुबाट सचेत होउ, यदि कसैलाई त्यस्तो रकम मांग गरिन्छ भने जानकारी गराउ । उनले स्टाटस लेखेर नक्कली आइडी बनाइएका पेजको स्क्रीन सर्ट फोटो समेत पाेष्ट गरेका छन ।
एसपी रानाभाटको नामबाट बनेको नक्कली फेसबूक आईडीमा लिभ ईन पुने महाराष्ट्र लेखिएको छ भने उनको आफ्नो अरिजनल फेसबूक आईडीमा लिभ ईन काठमाडौ नेपाल लेखिएको छ । नक्कली आइडीमा एसपी रानाभाटले दुई तिनवर्ष अघि हालेका पर्सनल फोटोहरु समेत हालिएको छ ।
एसपी रानाभाटले भने मेरो नामबाट कुनै व्यक्तिले नक्कली आईडी बनाएर मैसेन्जर मार्फत रकम मांग्दै जानकारी आएको छ । ती फर्जी व्यक्ति भारतीय नागरिक हुन सक्ने र भारतबाटै ती आईडी चलाइरहेको कुरा अनुसन्धानमा अहिलेसम्म देखिएको उनले बताए ।
भारतीय नागरिक नै हो कसरी भन्न सकिन्छ जिज्ञासामा उनले भने ती फर्जी व्यक्तिले गुगल पेय मार्फत पैसा पठाउन भनिरहेको छ । नेपालमा गुगल पे को व्यवस्था नभएकोले ती भारतीय नागरिक नै हुन सक्ने एसपी रानाभाटले भने ।
एसपी रानाभाटको नाममा बनाइएको नक्कलीबाट जनकपुरधामका केही व्यक्तिहरु फ्रेण्ड रिक्वेस्टको मैसेज समेत आएको बुझिएको छ । एसपीकै नक्कली आईडी बनाएर यस्तो साइबर क्राइम भइरहेको अवस्थामा सामाजिक सञ्जालमा कोही सुरक्षित नरहेको स्थानीयहरुको भनाई छ ।
यस प्रकारका क्रियाकलाप साइबर अपराध नियमनका लागि विद्युतीय कारोबार ऐन, २०६३ अनुसार कारवाही हुने व्यवस्था रहेको छ । सो ऐनको दफा ४७ अनुसार कम्प्युटर, इन्टरनेटलगायत विद्युतीय सञ्चारमाध्यममा नैतिकता, शिष्टाचारविरुद्धका सामग्री, कसैप्रति घृणा वा द्वेष फैलाउने सामग्री प्रकाशन वा प्रदर्शन गरे दोषीलाई एक लाख जरिवाना वा पाँच वर्षसम्म कैद अथवा दुवै सजाय हुनसक्ने कानूनी व्यवस्था रहेको छ ।
यो विषयमा आफ्नो प्रतिक्रिया दिनुहोस् !