मानव बेचबिखन आराेपमा दुई युवती पक्राउ

जनकपुरधाम, साउन १३ गते । पर्सा प्रहरी आर्केष्ट्रामा काम लगाई दिने प्रलाेभनमा पारी एक बालिका र एक युवतीलाई भारतमा बेचेकाे आराेपमा दुई युवतीलाई पक्राउ गरेकाे छ ।
झापा जिल्लाबाट एक १६ वर्षीया बालिका र एक २० वर्षीया युवती गरी २ जनालाई भारतको विहार राज्यस्थित छौँडादानो भन्ने स्थानमा बैचबिखन गरेकाे खबरकाे अनुसन्धानकाे क्रममा प्रहरीले तिनीहरूलाई पक्राउ गरेकाे हाे ।
आर्केष्ट्रामा काम लगाई दिने भनी भारत बिहारकाे छाैडादानाेमा बन्धक बनाई राखेकाे आराेपमा वीरगञ्ज महानगरपालिका १६ ईनरवा स्थित सिमानाबाट झापा जिल्ला विर्तामाेड ९ कि २० वर्षिय लक्ष्मी दास र सुनसरी ईटहरी १२ कि १९ वर्षिया खुशबु विश्वकर्मालाई पक्राउ गरिएकाे जिल्ला प्रहरी कार्यालय पर्साका प्रवक्ता ओमप्रकाश खनालले जानकारी दिएका छन ।
उनले भने मानव बेचबिखन भइरहेको भन्ने सूचना प्राप्त भएपछि यस कार्यालयबाट खटिएको प्रहरी टोलीले भारतीय काउन्टरपार्ट्ससँग समन्वय गरी पीडित बालिका तथा युवतीको उद्धार गरी निजहरूलाई सोधपुछ गर्दा आराेपितहरू बारे खुलासा भएकाे हाे ।
आराेपितहरूले “पर्साको बीरगञ्ज शहरमा पुर्‍याई अर्केष्ट्रामा आकर्षक तलब हुने काम लगाइदिने” प्रलोभन देखाई बीरगञ्ज बसपार्कसम्म ल्याई काम गर्ने ठाउँसम्म पुर्‍याउने भनी झुक्याएर भारतको बिहार राज्यको छौँडादानो लगेकाे र त्यहां मोबाइल फोन समेत खोसेर एक कोठामा राखी बन्धक बनाएर भारतकै अन्य स्थानमा पठाउने तयारी गरिरहेकाे क्रममा भारतीय प्रहरीले छापामारी तिनीहरूकाे उद्धार गरेकाे खनालले बताए ।
पर्सा प्रहरीलाई जिम्मा लगाए पछि पिडितहरूसंग साेधपुछ गर्दा घटना बारे खुलासा भएकाे बताउंदै खनालले घटनामा संलग्न दुईजनालाई पक्राउ गरिसकपएकाे र अन्य तश्रन फरार आराेपितकाे खाेजी कार्य जारी रहेकाे भने ।
प्रवक्ता खनालले आराेपितहरू विरूद्ध मानव बेचबिखन तथा ओसार पाेसार आराेपमा मुद्दा दायर गरीअदालतबाट ७ दिनकाे म्याद थप गरी घटना बारे थप अनुसन्धान भईरहेकाे बताए । @ ekagaj