जनकपुरधाम, साउन ५ गते । वर्षाकाे पानीले गर्दा कमला नदीमा आएकाे बाढीले धनुषा सबैला नगरपालिका -१३ स्थित किरतपुरस्थिित तटबन्ध कटान गर्न थालेकाे छ ।
सिरहा र धनुषा जिल्ला जोडने कमला नदीमा पानी खतराको सहतभन्दा पनि माथि नाघ्दै काटन गर्न थालेपछि ठुलै धनजनकाे क्षति हन सक्नेछ ।
किरतपुरमा कमला नदिले तटबन्धको करिब ६ सय मिटरभन्दा बढी भाग कटान गरेपछि त्यसको नियन्त्रणका लागि स्थानीयवासीकाे सहयाेगमा नेपाली सेना, सशस्त्र प्रहरी, नेपाल प्रहरी परिचालन गरी आज बिहानैदेखि नियन्त्रणको प्रयास भइरहेको नेपाल रेडक्रस साेसाइटी धनुषाका सभापति नरेश सिंहले बताएका छन ।
धनुषाका प्रमुख जिल्ला अधिकारी बन्धुप्रसाद बास्तोलाले कटान क्षेत्रमा बिहानैदेखि बोरामा बालुवा, माटो राखेर, नाइलनको डोरी, बाँस, रुखहरूको प्रयोग गरेर नियन्त्रणको प्रयास भइरहेको जनाएका छन ।
सभापति सिंहले तटबन्ध कुनैपनि बेला पुरै कटान गर्नशसक्ने भएकाले किरतपुर र ढाेलबजा सहितका गाउंवासीलाई रातिमा सर्तक भएर बस्न अाग्रह गरेका छन ।
साे तटबन्ध कटान र वर्षा नराेकिएपछि जिल्लाकाे सबैला नगरपालिकाकाे किरतपुर र ढाेलबजा गाउँ सखाप पार्नुका साथै बाढीकाे पानीले कमला नगरपालिका, शहीदनगर नगरपालिका र जनकनन्दनी गाउंपालिकाका दर्जनाै गाउँ डुबानमा पार्न सक्नेछ ।
आज राति वर्षा भएको खण्डमा कमला नदिको पानी बस्तीमा प्रवेश गरेर अरबौँको क्षति हुने अवस्था रहेकाले गृह मन्त्रालयले तत्काल नदी नियन्त्रणका आपतकालिन रुपमा ५० लाख रकम निकासा गर्न लागिएको प्रमुख जिल्ला अधिकारीले बास्तोलाले जानकारी दिएका छन ।
कमलाको पानीमा उच्च बहाब र तटबन्ध कटानले गर्दा आसपासका गाउँहरुमा हाईअलर्ट जारी गरिएको प्रजिअ वास्ताेलाले जानकारी दिएका छन ।
कटान भएको ठाउँमा नदी निक्कै गहिरो भएका कारणले नियन्त्रणमा कठिनाइ भइरहेको कमला नदी नियन्त्रण आयोजनाका प्रमुख डिभिजन इन्जिनियर एकराज भट्टराईले बताए ।
केही दिन अघि कमला नदीमा बनेकाे पुल भत्किएपछि खतरा झन अघि बढेकाे छ ।
यो विषयमा आफ्नो प्रतिक्रिया दिनुहोस् !