जलेश्वर, असार ९ गते । महोत्तरी जिल्लाको मटिहानी नगरपालिकाले अगामी आर्थिक बर्षका लागि पौने ४१ करोडको अनुमानित विकास बजेट ल्याएकाे छ ।
बुधवार सम्पन्न सातौ नगरसभावाट अगामी आर्थिक बर्ष २०७८/०७९ को लागी चालु तर्फ २० करोड ५० लाख र पुंजिगत तर्फ २० करोड २७ लाख गरि कुल ४० करोड ७७ लाख ५७ हजारको बटेज मेयर हरि मण्डलले प्रस्तुत गरेका हुन् ।
बजेटमा काेचभड १९ लाई लक्षित गरि स्वास्थ्य, शिक्षा, राेजगारी, खाद्य सुरक्षा, वृक्षाराेपण, वडास्तरीय सडक र मठ, मन्दिर पाेखरीकाे साैन्दर्यकरण र मरमम्त सम्भारमा जाेड दिइएकाेे छ ।
मटिहानी नगरपालिकाले यस नगरक्षेत्रमा बसोबास गर्ने सबै नागरिकको खाध सुरक्षाको प्रत्याभुति गर्न कोहि भाकै बस्दैन,कोहि भोकै मर्दैन भन्ने प्रतिबद्धता पुरा गर्न सबै तहका सरकार बिच सहकार्य गर्ने जनाएको छ ।
कोभिड १९ संकेमणका कारण बाबु वा आमा गुमाएका बालबालिकालाई नगदराहतको व्यवस्था गरिने र प्रत्येक वडातहमा स्वस्थ जाँच(घुम्ती शिबिर )अभियान कार्यक्रम संचालन गरिने नीति तथा बजेटमा उल्लेख छ ।
सामुदायिक विधालयका कक्षा ११ मा अध्ययनरत छात्राहरूलाइ निशुल्क साइकल वितरण गरिने । स्थानिय मैथिलिभाषाको विकाश, संरक्षण तथा संबद्धनका लागी सामुदायिक विधालयका कक्षा १ देखी ५ सम्मको पाठ्यक्रममा मैथिलि भाषा समाबेश गरि अध्यनन अध्यापन गराउने जनाएको छ ।
त्यस्तै यस नपा भित्रका मठ, मंदिर तथा मस्जिदलाइ पर्यटकिय स्थलको रूपमा विकाश गर्ने र एक वडा एक सुन्दर पोखरी र एक पार्क निर्माण गरिने जनाएको छ । नगरपालिका क्षेत्र भित्रका सबै घरपरिवारलाइ आँप लिचिको विरूवा निशुल्क उपलब्ध गराइने जनाएको छ ।
नगरपालिका भित्रका सबै जेष्ठ नागरिकहरुलाई रेडियो,टर्च र छाता निशुल्क उपलब्ध गराइने तथा मटिहानी न.पा ७ मा निर्माणाधिन खेल मैदानलाइ सुविधा सम्पन्न रंगशालाको रूपमा निर्माण गरिनेछ ।
सभालाई सम्वोधन गर्दै नगरपालिका प्रमुख हरि प्रसाद मण्डलले मटिहनी न.पा.लाइ नमुना एवंम विकाशिल नगरपालिका बनाउन आफु प्रतिबद्ध रहेको बताए ।
यो विषयमा आफ्नो प्रतिक्रिया दिनुहोस् !