जनकपुरधाम, जेठ २६ गते । वार्ता असफल भएपछि प्रदेश २ सरकारमा माओेवादी केन्द्र नजाने भएकाे छ ।
बुधवार अबेर सांझसम्म मुख्यमन्त्री लालबाबु राउत सहित सरकारी वार्ता समितिसंगकाे छलफलमा माओेवादी केन्द्रबीच मन्त्रालय भागबण्डामा कुरा नमिले वार्ता असफल भएकाे बताइएकाे छ ।
माओवादी केन्द्रकाे तर्फबाट वार्ता समित सदस्य एवं प्रदेश सभा सदस्य रहेका जगत यादवले भने हामीलाई दुईवटा मन्त्रालय दिने अनाैपचारिक सहमति थियाे, तर आज अन्तिम समयमा एउटा मात्रै मन्त्रालय दिने भनी धाेखा दिने काम गरेकाले सरकारमा सहभागी हुने छैनाै ।
उनले भने, हामीले दुईवटा मन्त्रालय मागेका थियौं, अनाैपचारिक सहमति पनि मुख्यमन्त्री राउत र केन्द्रीय समितिसंग भएकाे थियाे । तर आज एउटा मात्रै दिने त्याे पनि कानुन तथा प्रदेश सभा मामिला मन्त्रालय दिने भनेपछि हामी सरकारमा नजाने निर्णय गरेर बाहिरिएका छौं ।
उनले भने यसअघि जसपाले आफुहरूलाई दुई मन्त्रालय दिने अनौपचारिक सहमति गरेको थियो । तर एकाएक हाल आएर एक मन्त्रालय मात्रै दिने भनेर आफूहरुलाई अपमानजनक व्यवहार भएकाले सरकारमा जाने कुरा अब नहुने बताए ।
यो विषयमा आफ्नो प्रतिक्रिया दिनुहोस् !