जनकपुरधाम, जेठ २३ गते । कोभिड १९ को संक्रमण जिल्लामा बढदै गएपछि प्लान इन्टरनेशन नेपालले जिल्ला स्वास्थ्य कार्यालय धनुषाललाई स्वास्थ्य सुरक्षा सामाग्री सहयोग गरेको छ ।
आइतवार स्वास्थ्य कार्यालयमै एक कार्यक्रमका बीच प्लानले स्थानीय तहमा वितरण गर्ने उद्देश्यले लाखौ रुपैया बराबरको मास्क, सेनिटाइजर, पिपिई, फेस मास्क, मास्क, ग्लब्स लगायतका सुरक्षा सामाग्री हस्तान्तरण गरेको हो ।
प्लानका क्षेत्रिय प्रबन्धक रविशंकर पण्डितले ३ लाख ७१ रुपैया बराबरको सो सामाग्री स्वास्थ्य कार्यालय धनुषाका प्रमुख योगेन्द्र यादवलाई हस्तान्तरण गरेका हुन ।
ह्याण्ड सेनिटाइजर ५ सय एमएलको एक सय वटा, पिपिई सेट ७० पिस, ग्लब्स ५ हजार पिस, सर्जिकल मास्क थ्री लेयरको ५ हजार पिस, के ९५ मास्क ६ सय ५० पिस, पल्स अक्सीमीटर ६० पिस स्वास्थ्य कार्यालय धनुषाका सूचना प्रवक्ता अशोक कर्णको पहलमा प्लानले सहयोग गरेका हुन् ।
स्वास्थ्य सुरक्षा सामाग्री ग्रहण गर्दै स्वास्थ्य कार्यालयका प्रमुख यादवले महामारीको बेला स्वास्थ्य सुरक्षा सामाग्री सहयोगले आम जनताको ज्यान जोगाउन निकै सहज भएको भन्दै प्लानलाई धन्यवाद ज्ञापन गरेका छन ।
उनले यो सामाग्री जिल्ला अन्तर्गतका सबै स्थानीय तहमा आवश्यकताको हिसाबले वितरण गर्ने प्रतिबद्धता जनाएका थिए । प्लानले शिक्षा, युवा, महिलाको सशक्तिकरण, बालबालिकाको प्रारम्भिक विकासमा काम गर्दै आएको छ ।
यो विषयमा आफ्नो प्रतिक्रिया दिनुहोस् !