जनकपुरधाम, जेठ २१ गते । मनपर्ने युवतीलाई प्रेम पत्र दिंदा एक युवकलाई रौतहटमा स्थानीयले सार्वजनिक ठाउँमा बांधेर निर्घात रुपमा कुटपिट गरेको छन ।
जिल्लाको दुर्गाभवतीपुर गाउँपालिका ५ मा विकास पासवान भन्ने एक दलित युवकले स्थानीय गिरी थरकी युवतीलाई प्रेमपत्र दिंदा ती युवकलाई कुटपिट गर्ने युवतीको आफन्त सहितका तीन जना स्थानीयले शुक्रवार पक्राउ गरिएको जिल्ला प्रहरी कार्यालय रौतहटले जनाएको छ ।
जिप्रका रौतहटका प्रहरी उपरिक्षक सिद्धीविक्रम शाह अनुसार पक्राउ पर्नेहरुमा सोही गाउँपालिकाको वडा नम्बर ४ का राजदेव गिरी, रञ्जन गिरी र लालु सिंह रहेका छन ।
घटना बिहीवारको भएपनि पिडीत पक्षबाट उजुरी नपरेपनि सामाजिक सञ्जालमा एक युवतीलाई प्रेम पत्र पठाएको आरोपमा युवकलाई निर्घात कुटपिट गरिरहेको भिडियो भाइरल भएपछि घटनाको अनुसन्धान गर्दै जाँदा तिनीहरुलाई आज शुक्रवार पक्राउ गरिएको उनले बताए ।
आरोपितहरुले आफ्नो जातको चेलीबेटीलाई प्रेमपत्र पठाएको, फोन नम्बर दिएर कुरा गर्न लगाएको कारण आवेशमा आई कुटपिट गरेको आरोप स्वीकार गरिसकेको प्रहरी उपरिक्षक शाहले बताए ।
घटनाको विषयमा अहिले पीडित पक्षबाट जाहेरी दिन तयारीमा रहेको उनले बताए । पिडीतको जाहेरीको आधारमा आरोपितहरुमाथि कारवाही प्रक्रिया अघि बढाइने उनले बताए ।
यो विषयमा आफ्नो प्रतिक्रिया दिनुहोस् !