जनकपुरधाम, जेठ १६ गते । प्रदेश २ मा गत सातादेखि संक्रमणको दर घटदै गएपनि सतर्क रहन सरोकारवाला निकायले आग्रह गरेको छ ।
निर्देशनालयका प्रमुख विजय झाले भने प्रदेश २ मा अहिले संक्रमणको दर संख्यात्मक रुपमा घटेको भएपनि चेकजाँचको दायरा कम भएको कारण संक्रमण अझै व्याप्त रहेकोले सतर्क रहन आग्रह गरेका छन ।
उनले भने अहिले आवश्यकता भएका वा लक्षण देखिएकाहरुलाई मात्र शहरमुखि रुपमा पीसीआर चेकजाँच हुँदै आएको छ । तर वास्तवमा भन्ने हो भने ग्रामीण क्षेत्र दिनहुँ बिरामीको संख्या बढदै गएको छ, चेकजाँच आभावमा उनीहरु घरमै बसी सानातिना उपचार गरी काम चलाइरहेका छन । चेकजाँचका दायरा बढाइमा वास्तविक संख्या आउने छ ।
केन्द्रबाट करीब २ लाख एन्टीजेन किट प्राप्त भएको जानकारी दिदै प्रमुख झाले भने अब स्थानीय तहसंग समन्वय गरी घरदैलो अभियान अन्तर्गत चेकजाँचको दायरा बढाइने जानकारी दिदैं समुदायस्तरमै घर घरमा लक्षण देखिएकाहरुको चेकजाँच गरियो भने सही तथ्य बाहिर आउने छ ।
स्वास्थ्य निर्देशनालयका अनुसार गत सात जेठ ९ गते ५३७ पुगेको संक्रमितको संख्या आइतवार २४१ मा झरेको छ । संक्रमितको संख्या घटदै गएको र निको हुनेको संख्या बढदै गएको छ । पछिल्लो साता जेठ ९ गते निको हुनेको संख्या ३७ बाट बढदै आइतवार ४०८ मा पुगेको छ ।
हालसम्मका तथ्यांक अनुसार संक्रमणको दर घटदै गएको छ भने निको हुनेको संख्या बढदै गएको छ । उनले भने निको हुनेको संख्या घटेपनि मृत्यु हुनेहरुको संख्यामा कमी आउन सकेको छैन । गत साता १२÷१३ को हाराहारीमा रहेको संख्या अहिले बढेर२०÷२१ सम्म पुगेको छ । उनले भने दोश्रो लहरको नयाँ भेरिन्ट सहितको संक्रमण कडा खाले भएको कारण मृतकको संख्यामा कमी आउन नसकेको हो । मृतकको संख्या बढनुको कारण सर्वसाधारणमा लापरवाही पनि रहेको छ ।
प्रमुख झाले भने कोभिडको लक्षण देखिएपछि पनि ज्वारो रुघा खोकीको समस्या देखिएमा भाइरल फिवर र टाइफाइड भएको आशंकामा बिरामीहरु पीसीआर परिक्षण नगराई पसलबाट किनेर घरमै औषधि खाने गरेको छ । श्वास प्रश्वास लगायतका गम्भीर समस्या देखिएपछि मात्र उपचारका लागि अस्पताल आउंछ, तबसम्म धेरै ढिला भइसकेको कारण अनाहकमा ज्यान गुमाउनु परिरहेको छ ।
उनले कोरोनाको लक्षण देखिने बितेकै वा आशंका लागेमा तुरन्त स्वास्थ्य संस्थामा गएर उपचार र पीसीआर जाँच गराएमा मृत्यु हुने क्रममा पनि कमी आउने छ यसका लागि सम्बन्धित निकायले जनचेतना फैलाउन र कडाई गर्न आवश्यक छ । सम्बन्धित निकाय सक्रिय भए मृतकको दरमा पनि जेठ मसान्तसम्म कमी आउने विश्वास उनले व्यक्त गरे ।
निर्देशनालयका तथ्यांक अनुसार प्रदेशमा अहिलेसम्म ३२ हजार ३ सय ७२ संक्रमित भइसकेका छन । दोश्रो लहरको महामारीमा १५ हजार १ सय ६९ जना संक्रमण भएका छन भने पहिलो लहरमा १७ हजार २ सय ३ जनामा संक्रमण पुष्टि भएको थियो ।
प्रदेश २ हाल १० हजार ४ सय ६९ सक्रिय संक्रमित रहेका छन । जसमध्ये ५ सय ६८ विभिन्न संस्थागत अस्पतालमा उपचाररत रहेका छन भने ९ हजार ९ सय १ जना होम आइसोलेशनमा रहेका छन ।
यो विषयमा आफ्नो प्रतिक्रिया दिनुहोस् !