जनकपुरधाम, जेठ १६ गते । संघीय सरकारले शनिवार सार्वजनिक गरेको बजेटको प्रदेश २ सरकारले आलोचना गरेको छ ।
प्रदेश सरकारका प्रवक्ता एवं आन्तरिक मामिला तथा कानून मन्त्री ज्ञानेन्द्र यादवले चुनावी घोषणा पत्र जस्तै ठूल ठूला कुरा गरेर जनतालाई ललीपप देखाएर ठग्ने कार्य गरेको बताएका छन ।
उनले भने एक त काम चलाउ सरकार पुर्ण बजेट ल्याउन सक्दैन । चुनावी वितण्डा मचाउन अध्यादेश मार्फत ल्याइएको बजेटमा आम जनता भ्र्रममा पर्नेवाला छैन । संघीय सरकारले ल्याएको बजेट आगामी चुनावमा भोट बैैंक तयार पार्ने गरी वितरणमुखी बजेट ल्याइएको हो ।
मन्त्री यादवले निर्वाचनलाई प्राथमिकतामा राखेर ल्याएको बजेट आफ्नो श्रोतसाधन भन्दा बाहिरको कुरा हो, त्यसमा पनि सपना देखाइएका कुराहरु ऋण काढेर पुरा गर्ने आश सहितका जनतालाई ललीपप देखाए झै ठग्ने कार्य प्रधानमन्त्री केपी ओली नेतृत्वको सरकारले गरेको छ ।
उनले वृद्धा भत्ता ४ हजार पुरयाउनु, शैक्षिक ऋण, कर छुट लगायतका कुराहरु चुनावी एजेण्डा मात्र जुन केपी ओलीले यसअघिको चुनावमा गरिसकेका छन । त्यसलाई दुई ३ वर्षमा पुरा गर्न नसकदा अहिले कामचलाउ सरकारको बेलामा चुनावी तयारी स्वरुप गर्न लागेको । बजेटमा देखाइएका कुराहरु पुरा होला भन्नेमा शंका रहेको भन्दै उनले काम चलाउ सरकारको अवधि बढीमा ६ महिना हो, तर बजेट कार्यान्वयन आर्थिक वर्षको अन्त्यतिर हुने । कथम कदाचित चुनावबाट अर्को सरकार बन्यो भने ओलीको बजेट कार्यान्वयन हुने सम्भावना देखिदैन ।
यस्तै प्रा.डा. सुरेन्द्र लाभले निर्वाचनलाई मध्यनजर गर्दै लोक रिझाउने खालका बजेट आएको टिप्पणी गरेका छन । उनले संघीय सरकारको आयु कति दिनको हुने हो त्यो महत्वपूर्ण विषय छ । संघीय सरकारले ल्याएको बजेट हेर्दा निर्वाचन हुन्छ भन्ने कुरामा ढुक्क देखिएको छ । त्यसैले निर्वाचन हुनुपूर्व नै सबैलाई खुसी पार्ने कार्य गर्न चाहेको समेत उनले बताए ।
आगामी निर्वाचनसम्म मात्र बजेटको आयु रहेकाले अध्यादेशबाट ल्याइने बजेटको आकार यति ठूलो नहुनुपर्ने भन्दै यस बजेटको आयू ६ महिनामात्र रहेको बताए । उनले भने– त्यसैले आउने समयमा बजेट लागू हुन्छ वा हुँदैन भन्ने कुरा पनि त्यतिकै महत्वपूर्ण छ ।
यो विषयमा आफ्नो प्रतिक्रिया दिनुहोस् !