वीरगंज, जेठ १३ गते । पर्साको वीरंगजमा एक औषधि व्यवसायीलाई प्रहरीले कुटपिट गरेको घटनालाई छानबीन गर्न प्रदेश प्रहरीले छानबीन समिति गठन गरेको छ ।
वीरगंज महानगरपालिका ८ घण्टाघर नजिक पानीट्यांकीस्थित प्याथो सर्जिकल हाउसका संचालक अप्रोज महमदलाई जिल्ला प्रहरी कार्यालय पर्साका प्रहरी नायब उपरिक्षक (डिएसपी) प्रह्लाद कार्कीले गरेको कुटपिट घटनालाई छानबीन गर्न प्रदेश २ प्रहरी कार्यालय एक छानबीन समिति गठन गरेको छ ।
प्रदेश प्रहरीका सूचना प्रवक्ता एवं प्रहरी उपरिक्षक कृष्ण प्रसाईले एक विज्ञप्ति जारी घटनाको छानबीनका लागि गठित छानबीन समितिका अनुसन्धानमा यदि कोही प्रहरी कर्मचारी दोषी देखिएको खण्डमा नियमानुसार कारवाही हुने विज्ञप्तिमा भनिएको छ ।
प्रहरीद्वारा औषधि व्यवसायी कुटिएको सामाजिक सञ्जालमा सिसिटीभीको फुटेज सार्वजनिक भएपछि तत्कालै प्रदेश प्रहरी छानबीन समिति गठन गरी छानबीन प्रक्रिया थालेको हो ।
यता जिल्ला प्रहरी कार्यालय पर्साले निषेधाज्ञा पालना गराउन पसल बन्द गराईरहेको भिडियो खिचेपछि हातपात भएको दाबी गरेका छन ।
जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले सो सर्जिकल हाउस छेउमा रहेको किराना पसल बन्द गराउने क्रममा सर्जिकल हाउसका संचालक अहमदले भिडियो खिचेपछि प्रहरी नायब उपरिक्षक कार्कीले मोवाइल खोस्ने क्रममा हातपात गरेको बताएका छन ।
यो विषयमा आफ्नो प्रतिक्रिया दिनुहोस् !