जनकपुरधाम, जेठ ११ गते । संक्रमित बढी भेटिएपछि महोत्तरीको एक गाउँ नै सिल गरिएको छ ।
जिल्लाको भंगहा नगरपालिका ४ रामनगर विर्ता गाउँमा २८ जना संक्रमित फेलापरेपछि गाउँ सिल गरिएको हो ।
प्रमुख जिल्ला अधिकारी तीर्थप्रसाद भट्टराईले सो गाउँमा १५ दिनको अवधिमा १३ जनाको मृत्यु भएपछि कन्ट्राक्ट ट्रेसिङ्गको आधारमा र शंकास्पद व्यक्तिहरुको पीसीआर परिक्षण गर्दा एकै पटक २८ जना संक्रमित फेला परेपछि निषेधाज्ञा अवधिभर जेठ २० गतेसम्मका गाउँ नै सिल गर्नुपरेको बताए ।
सिल गरिएप्छि मंगलवारदेखि नै सो गाउँमा बाहिरबाट कुनै पनि व्यक्तिको प्रवेश निषेध र गाउँलेलाई बाहिरबाट जानबाट रोक लगाइएको छ । निर्देशनलाई कसैले उल्लंघन गरे कानून बमोजिम कारवाही गरिने उनले बताए ।
कोरोना महामारीको दोस्रो लहरबाट नराम्रोसँग प्रभावित बनेका महोत्तरी जिल्लामा गए रातिसम्म ५९ जनाको मृत्यु भइसकेको छ । स्वास्थ्य कार्यालय महोत्तरीले सार्वजनिक गरेको तथ्याङ्क अनुसार कोरोनाको दोस्रो लहरमा अहिलेसम्म जिल्लामा ५९ जना मृत्यु र एक हजार ८९७ सङ्क्रमित हुँदा अवस्था निकै भयावह बनेको छ ।
यो विषयमा आफ्नो प्रतिक्रिया दिनुहोस् !