जनकपुरधाम, जेठ ७ गते । प्रदेश २ को प्रादेशिक अस्पताल जनकपुधाम अन्तर्गतको कोभिड अस्पतालमा उपचार आभावमा एक कोरोना संक्रमितको मृत्यु भएको आरोप लगाइएको छ ।
मृगौला पीडित समेत रहेका कोरोना संक्रमित धनुषाको बटेश्वर गाउँपालिका वडा नम्बर–३ बस्ने ३७ वर्षीय रामसागर महतोको डायलासिस आभावमा मृत्यु हुन गएको परिवारजनले आरोप लगाएका छन ।
मृतकका सालो बिरेन्द्र कुमार महतोले संचारकर्मीसँग कुरा गर्दै भने बिहीबार प्रादेशिक अस्पतालमा उपचारका लागि आएका थियौ घण्टौसम्म हार गुहार गर्दा पनि डायलासिस हुन नसक्दा उपचार आभावमा छटपिटएर उनको मृत्यु गयो ।
बिरामीलाई अस्पताल ल्याएपछि उपचारको क्रममा चिकित्सकहरुले डायलासिस गर्नुपर्छ सुझाव दिए, त्यहाँ ड्युटीमा रहेका स्वास्थ्यकर्मीलाई डायलासिसको व्यवस्था गरिदिन घण्टौसम्म हारगुहार पनि कुनै चासो नलिएपछि उपचार आभावमा मृत्यु हुन गएको उनले बताए ।
बटेश्वर गाउँपालिका–४ राम्रो चोकस्थित राष्ट्रिय प्राथमिक विद्यालयका शिक्षक रहेका महतोलाई केही दिनअघि संक्रमण पुष्टि भएपछि होम आइसोलेशनमा बसेका थिए । स्वास्थ्य अवस्था बिग्रिदै गएपछि उपचारका लागि प्रादेशिक अस्पताल अन्तर्गतको कोभिड अस्पतालमा भर्ना गरिएको थियो ।
यता प्रादेशिक अस्पतालका मेसु डा. प्रमोद यादवले उपचार आभावमा मृत्यु भएको आरोप गलत रहको दाबी गरेका छन । उनले भने महतोको उपचारमा कुनै कमी गरेका थिएनौं भर्ना भएदेखि नै डायलासिस भइरहेको थियो । मृगौला, किडनी र क्यान्सर लगायतका दिर्घ रोगीका लागि कोरोना संक्रमण घातक रहेको छ, यस्ता बिरामीलाई बचाउन मुश्किल हुन्छ । तर पनि हामी अथक प्रयास गर्दा पनि बचाउन सकेनौं ।
यो विषयमा आफ्नो प्रतिक्रिया दिनुहोस् !