जनकपुरधाम, जेठ ७ गते । नेकपा एमालेका पुर्व सांसद एवं वैकल्पिक पोलिटब्युरो सदस्य योगनारायण यादवको निधनको शोकमा जिल्ला कार्यसमितिले ३ दिनसम्म पार्टीको झण्डा झुकाउने निर्णय गरेको छ।
शुक्रबार जनकपुरधाम स्थित मिथिला भवनमा रहेको पार्टी कार्यालयमा नेकपा एमाले धनुषाले नेता यादवको निधनमा आयोजित शोकसभामा तीन दिनसम्म पार्टीको झण्डा झुक्याउने निर्णय गरिएको धनुषा ईन्चार्ज रामचन्द्र मण्डलले बताए ।
उनले भने नेता योगनारायणको निधनले पार्टीलाई गम्भिर क्षती भएको छ, पार्टीमा उहाँको मेहनत र लगनशिलताको कदर गर्दै उनको निधनको शोकमा आजै देखि ३ दिनसम्म पार्टीको झण्डा झुकाउने रे शोकमा पुस्तिकामा हस्ताक्षर संकलन गर्ने जिल्ला कार्यसमितिले निर्णय गरिएको हो ।
नेकपा एमाले धनुषाका सह–ईन्चार्ज समेत रहेका ५७ वर्षिय यादव मृगौला रोगबाट पीडित रहेका थिए भने उनको मृत्यू कोरोना संक्रमणका कारण उपचारकै क्रममा काठमाडौ स्थित मेडिसिटी हस्पीटलमा बिहीवार मृत्यु भएको थियो ।
सो शोक सभा उनले पार्टीमा दिएको योगदान, मेहनत र लगनशिलता सहित उनको राजनीतिक पृष्ठभुमि बारे वक्ताहरुले चर्चा गर्दै मृत आत्माको चिरशान्तिको कामना र शोक सन्तप्त परिवारप्रति सम्वेदना प्रकट गरेका थिए ।
वि.सं. २०४४ अघिदेखि उनी नेकपा एमालेमा सक्रिय भएका थिए । उनी राजनीतिमा सक्रिय हुनुपूर्व जिल्ला कृषि कार्यालयमा जेटिए पदमा कार्यरत्त थिए । सरकारी जागिर छाडेर उनी राजनीतिमा लागेका थिए । ओली निकट मानिएका नेता योगनारायण यादव २०५६ सालमा धनुषाको क्षेत्र नं. २ बाट सांसदमा निर्वाचित भएका थिए ।
यो विषयमा आफ्नो प्रतिक्रिया दिनुहोस् !