जनकपुरधाम, जेठ ३ गते । काेराेना संक्रमितहरूकाे प्राणवायुकाे रूपमा रहेकाे आक्सीजनकाे चरम आभाव हंदै गएकाे दृष्टिगत गर्दै जनकपुधाममा आक्सजीन उद्याेग प्लान्ट स्थापना हुन लागेकाे छ ।
कोरोना महामारीका बिच अहिले देशैभरी अक्सिजनको अभावका कारण जनकपुरधाम क्षेत्रमै कयौँ संक्रमितहरुको ज्यान गुमाई सकेकाे छ ।
यसै बिचमा जनकपुरधाम उपमहानगरपालिका २३ लादाे बेलामा एसआरजे ग्रुपले श्री रामजानकी ग्यास उद्योग नामक अक्सिजन ग्यास उत्पादन गर्न लागेकाे हाे ।
उद्याेगकाे निर्माण कार्य तिव्रगति भइरहेकाेले दुई साता भित्रै अक्सिजन उत्पादन गरिने उद्याेगका संचालक सुनिल कुमार साहले जनाएको छ ।
उनका अनुसार मेशिन जडान गर्ने ७५ प्रतिशत कार्य पूरा भई सकेको तथा पाइपलाइन जडान गर्ने कार्य सम्पन्न भए लगत्तै दुई/तिन दिनपछि परिक्षण पश्चात अघिल्लाे सातादेखि अक्सिजन उत्पादन गर्ने कार्य शुरु हुनेछ ।
उनले भने ‘हाम्रो लक्ष्य जतिसक्दो चाँडै अक्सिजन उत्पादन गर्नु छ, तर अझै १० दिन समय लाग्ने छ ।’ अगाडी भने ‘अक्सिजन उत्पादन गर्ने योजना २ वर्ष अगाडी नै थियो तर मेशिन अभावमा त्यो हुन सकेको थिएन् ।’
उनले पछिल्लो वर्ष अप्रिल महिनामा अक्सिजन उत्पादन गर्ने मेशिन ल्याउने योजना रहेपनि कोरोना महामारीकै कारण ल्याउन नसकिएको बताए ।
सुनिलले भने ‘होलीभन्दा ठीक १० दिन अगाडी मात्रै भारतको पंजावस्थित रहेको हाइटेक कम्पनीबाट मेशिनहरु ल्यायौँ, अब भारतकै जयनगरबाटै मेशिन जडान गर्ने मैकेनिक ल्याएर कार्य अगाडी बढाएका छौँ ।’
फिनिसिंगको काम बाँकी नै रहेपनि यस्तो महामारीको बेलामा पहिले अक्सिजन उत्पादन गर्ने मेशिन जडान गर्ने कार्यलाई प्राथमिकता दिएको उनले भने ।
सो उद्योगको मेशिन जडान गर्ने काम भारत जयनगरका पुरुषोत्तम शर्माले गर्दै आईरहेका छन् । उनले अक्सिजन उत्पादन गर्ने सबै मेशिन जडान भई सकेको र अक्सिजन रिफिलिंग गर्ने पाइपलाइनको काम सम्पन्न हुन अझै १० दिन लाग्ने बताए ।
उनका अनुसार अक्सिजन उत्पादन गर्नका लागि आवश्यक एयर कम्प्रेसर, मोइस्चर सेप्रेसन, उयर फिल्टर, कार्बन फिल्टर, अमोनिया फिल्टर, एयर सेप्रेसन युनिट, फिलिंग युनिट लगायतका यन्त्रहरु जडान भई सकेको छ ।
उद्योगका संचालक सुनिलले भने दैनिक चार सय सिलिण्डर आक्सिजन रिफिलिङ्ग गर्ने क्षमता रहेपनि तत्काल २ सय सिलिण्डर रिफिलिंग गर्न सकियो भने पनि अहिले देखिएकाे चरम आभावलाई टार्न सकियाे हाम्रो लागि ठुलाे सफलता हुनेछ ।
अहिले अक्सिजनको हाहाकार रहेको समयमा यहाँबाट उत्पादन हुने अक्सिजनले ठूले राहत हुने उनले विश्वास व्यक्त गरे ।
आक्सिजन आभावमा जनकपुरधामका चन्द्रकला अस्पताल लगायत विभिन्न अस्पतालमा करीब आधा दर्जन संक्रमितकाे मृत्यु भइसकेकाे छ। केही दिनदेखि आक्सिजनकाे आभाव भएपछि अस्पतालहरूले संक्रमित बिरामीलाई भर्ना लिन छाडेकाे छ ।
यो विषयमा आफ्नो प्रतिक्रिया दिनुहोस् !