जनकपुरधाम, बैशाख २८ गते । प्रदेश २ काे जनकपुरधामस्थित प्रादेशिक काेभिड विशेष अस्पतालमा चिकित्सककाे लापरवाहीले बिरामीकाे मृत्यु भएकाे भन्दै ताेडफाेड गरिएकाे छ ।
महाेतरीकाे जलेश्वर नगरपालिका ४ का सुखीचन्द महताेकाे उपचारकाे क्रममा मृत्यु हुदा तिनका आफन्तजनले मंगलवार बेलुका साढे ५ बजेतिर अस्पतालका स्वास्थ्यकर्मीलाई हातपात गर्दै आईसियु कक्षमा ताेडफाेड गरेका हुन ।
ताेडफाेडबाट आईसीयु कक्षकाे ३ वटा भेन्टीलेटर सेट टुटफुट भएकाे मेडिकल सुपरिटेन्डेन्ट डा. प्रमाेद यादवले बताएका छन ।
घटना बारे जानकारी दिदै उनले भने चिकित्सककाे लापरवाहीकाे बिरामीकाे मृत्यु भएकाे आराेप गलत रहेकाे छ । हामीले त उपचार के बिरामीकाे रिपाेर्ट पनि हेर्न नपाउंदै मृत्यु हुन गयाे ।
बिरामी सिकिस्त (अन्तिम) अवस्थामै जलेश्वर अस्पतालबाट रेफर भएर आएकाे थियाे । संक्रमित छ/छैन बुझेर मात्र काेभिड अस्पतालमा भर्ना लिने डियुटीमा खटेका स्वास्थ्यकर्मीले भन्दा भन्दै बलजफ्ती तिनीहरूले आईसीयु कक्षमा राखिदियाे, १५ मिनेट नबित्दै बिरामीकाे मृत्यु हुन गयाे ।
बिरामीकाे मृत्यु हुनसाथ मृतकका आफन्तजन केही स्थानीयकाे सहयाेगमा डियुटीमा खटिएका ४/५ जना स्वास्थ्यकर्मीलाई कुटपिट गर्दै आईसीयु कक्षमा राखिएकाे ३ वटा भेन्टीलेटर सेट ईटाले फाेडि दियाे ।
ताेडफाेड गरिरहेकै क्रममा प्रहरीले दुई जनालाई पक्राउ गरियाे अन्य व्यक्तिहरू फरार भएकाे समेत उनले बताए । श्राेतका अनुसार पक्राउ परेका मनाेज महताे र पप्पु महताे दुवै जना मृतक सुखचैनका छाेरा हुन ।
प्रादेशिक काेभिड अस्पतालमा केही व्यक्ति तोडफोड गरिरहेकाे जानकारी आउनासाथ जिल्ला प्रहरी कार्यालयबाट खटि गएकाे प्रहरीले तत्कालै घटना स्थलबाट दुई जनालाई नियन्त्रणमा लिइएकाे जिल्ला प्रहरी कार्यालय धनुषाका प्रहरी उपरीक्षक प्रकाश रानाभाटले बताए ।
उनले भने घटना सम्बन्धमा विस्तृत विवरण आउन बांकी छ । ताेडफाेड गर्नेलाई नियन्त्रणमा लिई अनुसन्धान प्रक्रिया अघि बढाइएकाे छ । मेसु र प्रहरीले जे भनेपनि प्रत्यक्षदर्शीका अनुसार बिरामीलाई भर्ना गरेपछि कुनै चिकित्सक आएन, पिडित आफन्त हार गुहार गर्दा बल्लतल्ल पाइप र नाेजल नभएका एउटा आक्सीजन सिलिण्डर पायाे । मृतकका छाेरा पाइप र नाेजल किनेर अाउंदा मृत्यु भइसकेकाे हेर्दा हाे हल्ला गरेकाे थियाे ।हाल मृतकसंगै आएका तीन छाेरा मध्ये दुई जना प्रहरी नियन्त्रणमा रहेकाे र कान्छाे छाेरा सानाे रहेकाे कारण शव लग्न नसक्दा अस्पताल परिसरमै बेवारिसे अवस्थामा रहेकाे बताइएकाे छ ।
यो विषयमा आफ्नो प्रतिक्रिया दिनुहोस् !