वीरगंज, वैशाख २८ गते । सोमवार सांझसम्म पछिल्लो २४ घण्टामा वीरगञ्जमा कोरोना संक्रमणबाट १० जनाको मृत्यु भएको छ ।
आइतबार बेलुका ७ बजेदेखि सोमबार बेलुका ७ बजेसम्ममा १० जनाको मृत्यु भएको जिल्ला प्रशासन कार्यालय पर्साले जनाएको छ । प्रमुख जिल्ला अधिकारी पिताम्बर घिमिरको अनुसार नारायणी अस्पतालमा ५ जना, नेशनल मेडिकल कलेजले बाबा होटलमा सञ्चालन गरेको कोरोना अस्पतालमा ३, एडभान्स अस्पताल र वीरगञ्ज हेल्थ केयर अस्पतालमा १/१ जनाको मृत्यु भएको हो ।
नारायणी अस्पतालमा सोमबार पर्साका ३ र बाराका २ जना गरी ५ जनाको मृत्यु भएको अस्पतालका मेसु डा. संजय ठाकुरले जानकारी दिएका छन । नारायणी अस्पतालमा वीरगञ्ज महानगरपालिका–१० कि ६९ वर्षीया महिला, वीरगञ्ज–४ कि ४० वर्षीया महिला र पर्साको बहुदरमाई नगरपालिका–२ सिसयारी बैरियाका ६५ वर्षीय पुरुषको उपचारको क्रममा मृत्यु भएको छ ।
त्यस्तै नारायणी अस्पतालमै बाराको जीतपुर सिमरा उपमहानगरपालिका– १४ बेहरी बस्ने ७० वर्षीय पुरुष, बाराको निजगढ नगरपालिका– ७ निजगढ टोल बस्ने ६० वर्षीय पुरुषलाको पनि मृत्यु भएको जनाइएको छ ।
नेशनल मेडिकलको कोरोना अस्पतालमा बाराका १ जना र पर्साका २ जना गरी ३ जनाको मृत्यु भएकोे इन्चार्ज डा. ओमप्रकाश कुशवाहाले जानकारी दिए । सो अस्पतालमा वीरगञ्ज– २ छपकैयाका ६५ वर्षीय पुरुष, वीरगञ्ज– १३ मुर्ली का ६५ वर्षीय पुरुष, बाराको कलैया उपमहानगरपालिका– ५ का ५२ वर्षीय पुरुषको पनि सोमबार मृत्यु भएको छ ।
नेशनलको कोरोना अस्पतालमा १८ जना महिलासहित ६४ जना अक्सिजन चाहिने संक्रमित उपचाररत छन् । १० जना संक्रमित भेन्टिलेटरमा छन् । अस्पतालमा २० बेड आईसीयु, १६ बेडको एचडीयु र बाँकी जनरल वार्ड छ । शंकास्पद संक्रमित ७२ जनाको उपचार भइरहेको अस्पतालले जनाएको छ ।
यस्तै हेल्थ केयर अस्पतालका वीरगञ्ज १० आदर्शनगरकी ६० वर्षीया महिला र एडभान्स अस्पतालमा पर्साको धोविनी गाउँपालिकाकी ७० वर्षीया महिलाको मृत्यु भएको छ ।
यो विषयमा आफ्नो प्रतिक्रिया दिनुहोस् !