जनकपुरधाम, वैशाख २० गते । कोभिड–१९ नियन्त्रणका लागि प्रदेश २ को महोत्तरी जिल्ला अस्पतालमा करोडौ रुपैया खर्चेर लगाइएको उपकरण जनशक्ति आभावमा प्रयोगविहिन बनेको छ ।
गत वर्ष पहिलो लहरको कोरोनामा जलेश्वर स्थित सो जिल्ला अस्पताललाई कोभिड विशेष अस्पताल रुपमा विकास गर्न विभिन्न उपकरण तथा पुर्वाधार तयार गर्न ८ करोड रुपैयाभन्दा बढी रकम खर्चियो । तर अहिले जनशक्ति आभावमा ती उपकरण प्रयोग विहिन भई संक्रमित उपचारका लागि भौतारिरहेका छन ।
कोरोना भाइरस नियन्त्रण र उपचारमा सहजताका लागि ५० शैयाको कोभिड विशेष अस्पताल संचालन गर्न दुई करोड ५५ लाख ५२ हजार लागतमा पाँच थान भेन्टिलेटर, श्यया, मोनिटर, इको लगायतका आइसीयू सेटका उपकरण जडान गरिएको थियो ।
ईकागजमा भनिएको छ – गत वर्षको कोरोना महामारीका बेलामा पनि भेन्टिलेटर र आइसीयू सञ्चालनका लागि दक्ष जनशक्ति नपाएर सो अस्पतालले ती उपकरण प्रयोग गर्न सकेको थिएन भने वर्षभरि नै ती सामग्री प्रयोगविहीन बनेर थन्किएको अस्पतालका मेसु शतिश साहले बताएका छन ।
उनले थप्दै भने दक्ष जनशक्ति उपलब्ध गराउन प्रदेश सरकारलाई पटक पटक आग्रह गर्दा कुनै चासो नलिएको कारण करोडौ रुपैया खर्चेर लगाइएको उपकरण प्रयोग विहिन हुन गएको हो ।
गत वर्षमात्रै रु तीन करोड ४३ लाख खर्च गरेर पुर्वाधार तयार गरिएको कोभिड विशेष अस्पताल अहिले कामविहीन बनेको छ । अहिले कोरोना महामारीले आक्रान्त बनेका बेला ती करोरौँका उपकरण अझै प्रयोगविहीन अवस्थामै रहेको अस्पताल व्यवस्थापन समितिका अध्यक्ष सुरेश पाण्डेले पनि स्वीकार गरे ।
अस्पताल विकास समितिका अध्यक्ष पाण्डेले दक्ष जनशक्तिको अभावमा भेन्टिलेटर र आइसीयू सञ्चालन हुनसक्ने अवस्था नरहेकाले अहिलेसम्म दोस्रो लहरको बेला पनि जलेश्वरमा कोभिड विशेष अस्पताल सञ्चालनमा आउन नसकेको बताए ।
गत वर्ष सो अस्पतालमा विभिन्न शीर्षकमा गरी कोभिड नियन्त्रणका नाममा रु आठ करोड बढी खर्च गरिएको थियो । ती खर्चको कुनै सदुपयोग नभएको र त्यसमा व्यापक अनियमितता भएको स्थानीय महेन्द्र चौधरीको आरोप रहेको छ ।
उनले भने उपचार नगर्ने मानसिकताले अस्पतालले संक्रमितहरुलाई होम आइसोलेशनमा जान सुझाव दिन्छन । तर त्यो कुनै हेरचाह गरिदैन, गम्भीर अवस्थाका संक्रमितलाई यहाँ कोरोना उपचार भइरहेको छैन भनी फर्काउने गरेकोले जिल्ला बाहिर उपचारका लागि जानु परिरहेको छ ।
स्थानीयको गुनासोलाई स्वीकार्दै मेसु साहले भने अस्पताल अब स्थानीय निकाय मातहतमा गइसकेको र स्थानीय निकायबाट कोभिड नियन्त्रणको अहिलेसम्म ठोस कदम नचालिएकाले कोरोनाका बिरामी नराखिएको तथा उपचार समेत शुरु गर्न सकिएको छैन ।
भाडा टाल्ने उद्देश्यले महोत्तरीमा फेला परेका संक्रमितहरुलाई होम आइसोलेशन पठाउने गरिएको छ । गम्भीर अवस्थाका संक्रमित उपचार आभावमा प्रादेशिक अस्पताल जनकपुरधाम, विरगंज, धरान र काठमाडौ लगायतका ठाउँमा जाने गरेको छ । साभार – Ekagaj
यो विषयमा आफ्नो प्रतिक्रिया दिनुहोस् !