जनकपुरधाम ११ गते । जनकपुरधाम स्थित प्रदेश २ मुख्यमन्त्री तथा मन्त्रीपरिषद कार्यालय आगाडि गुडिरहेकाे गाडीमा अचानक आगलागी हुंदा दुईजना घाइते भएकाे छ ।
शनिवार साँझ करिब ७ बजे प्रदेश ३ ०१ ०२४ च ८९१८ नम्बरको हायस गाडी डिभाइडरमा ठोकिएर दुर्घटनाग्रस्त हुँदा आगो लागेको हो ।
डिभाइडरमा ठोक्किँदा आगलागी हुंदा गाडी भित्र ग्यास सिलिण्डर रहेकाे कारण भीषण आगलागी भएकाे जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्रकुमार मिश्रले जानकारी दिएका छन।
दुर्घटनामा गाडी पुर्ण रूपमा जलेर नष्ट भएकाे छ । प्रवक्ता मिश्रका अनुसार जन्ती लिएर धनुषाको महेन्द्रनगरबाट युदुकुहा गईरहेको साे गाडी भित्र सवार रहेका १३ जना मध्ये दुईजना घाइते भएका छन् ।
गाडीमा आगलागी भएको १५ मिनेटमै प्रहरीको सहयोगमा आगो नियन्त्रणमा लिइएकाे थियाे । घटना पश्चात गाडीका चालक फरार रहेकोले उनको खोजी कार्य सुरु गरिएको उनले जानकारी दिए ।
यो विषयमा आफ्नो प्रतिक्रिया दिनुहोस् !