जनकपुरधाम, बैशाख ११ गते । प्रदेश २ सरकारले बढदै गएकाे काेराेना संक्रमणकाे दृष्टिगत गर्दै कुनैपनि सार्वजनिक कार्यक्रममा २५ जना भन्दा बढी जम्मा गर्न नपाइने निर्णय गरेकाे छ ।
मुख्यमन्त्री लालबाबु राउतले शनिवार आफनै निवास परिसरमा सर्वदलिय बैठक आयोजना गरि २५ जना भन्दा बढी सहभागी हुने, साँस्कृतिक, धार्मिक, राजनीतिक गतिविधिहरुलाई स्थानीय प्रशासनको सहयोगमा कडाईका लागी रोक्ने निर्णय गरेको छ ।
त्यस्तै प्रदेश सरकारले कोरोना महामारी नियन्त्रणका लागि चालेकाे कदमहरुलाई थप प्रभावकारी बनाउन सर्वदलिय संयन्त्र गठन समेत गरेको छ ।
सरकारले हाल सम्म चालेको कदमहरु बारे जानकारी गराउदै थप सहयोग र सहकार्यका लागि सर्वदलिय संयन्त्र गठन गरेकाे हो ।
समाजिक विकास मन्त्री नवल किशोर साहको अध्यक्षतामा गठित उक्त सर्वदलिय संयन्त्रमा नेकपा एमाले संसदीय दलका नेता शत्रुधन महतो, नेपाली काँग्रेस संसदीय दलका नेता राम सरोज यादव, नेकपा (माओवादी केन्द्र) संसदीय दलका नेता भरत साह र जसपाका सचेतक परमेश्वर साह, प्रदेश सभा सदस्य राम अशिष यादव रहेकाे छ ।
यो विषयमा आफ्नो प्रतिक्रिया दिनुहोस् !