जनकपुरधाम, चैत ८ गते । महोतरी प्रहरीले वेपता झा दम्पतिको घटनामा संलग्न रहेको आरोपमा पक्राउ परेमा ४ जनालाई सार्वजनिक गरेमो छ ।
पक्राउ पर्नेहरूमा पिपरा गाउंपालिका ५ सहोडवा निवासी रामबाबु यादव, सुरेन्द्र यादव, राजेन्द्र यादव र भारतीय नागरिक बिहार राज्यको मधुबनी जिल्ला तरैया ग्राम पंचायतका हरेन्द्र ठाकुर रहेको प्रहरीले जनाएको छ ।
आईतवार एक पत्रकार सम्मेलन गरी जिल्ला प्रहरी कार्यालय महोतरीले तिनीहरूलाई सार्वजनिक गरेको हो ।
जिल्ला प्रहरी कार्यालय महोत्तरीले बेपत्ता भएका दम्पतीको अवस्था सार्वजनिक गर्न नसकेपछि सीआइबीले अनुसन्धान थालेको २ दिन नबित्दै चारै जना्लाई घटनामा संलग्न रहेको आशंकामा पक्राउ गरी सार्वजनिक गरिएको हो ।
झा दम्पति अवस्था वा उनीहरु जीवित रहे नरहेको विषयमा अहिलेसम्म केही स्पष्ट हुन नसकेको र अवस्था अज्ञातै रहेको जिल्ला प्रहरी कार्यालय महोत्तरीका प्रहरी उपरीक्षक दिनेश आचार्यले बताए ।
अभियुक्तहरूको घटना संलगन्ता बारे एसपी आचार्यले भने अभियुक्त मध्येका रामबाबुसंग झा दम्पतिबीच जग्गा सम्बन्धी विवादले पटक पटक झै झग्डा भएको र घटनास्थलमा वेपता दम्पतिको कोठादेखि रामबाबुको घरसम्म र उनको घरको गेटमा रगतको छिटा देखिएको हो ।
घटना अनुसन्धानको क्रममा रामबाबु यादवले बाटो नभएका आफ्ना जग्गाका लागि वेपता दम्पति मध्येका मुसाफिर झाको रहेको १४ विग्घा जग्गा विक्री गर्न दबाव दिएको कारण पटक पटक झगडा गरेको विभिन्न धाकधम्की दिदै आएको थियो रिसवी उनलाई वेपता पारिएको देखिएको उनले बताए ।
अभियुक्तहरूको पोलिग्राफ गर्दा निगेटिभ आएको र पोलिग्राफ रिर्पाेटपछि तिनीहरूले आरोप स्वीकार गरिसकेको एसपी आचार्यले बताए । भारतीय नागरिक हरेन्द्रको घटनामा संलग्नता रामबाबुको जग्गा खरीद गर्ने साझेदार रहेको र ती जग्गाका लागि दुवै मिलेर वेपता पारेको उनले बताए ।
गत फागुन १० गते घरमै सुतिरहेको अवस्थामा ओछ्यानसहित बेपत्ता भएका महोत्तरीको पिपरा गाउँपालिका–५ का ६५ वर्षीय मोसाफिर झा र उनकी पत्नी ६० वर्षीया गीतादेवी झालाई घरमै सुतीरहेको अवस्थामा ओछ्यान सहितै वेपत्ता पारिएको थियो ।
यो विषयमा आफ्नो प्रतिक्रिया दिनुहोस् !