जनकपुरधाम, चैत ८ गते । गत ४ दिनअघि महोत्तरीको जलेश्वर नगरपालिकाको एक वडामा लामखुट्टे विरुद्धको म्याद गुज्रिएको औषधि छर्किंदा स्थानीयवासी धमाधम बिरामी पर्न थालेको छ ।
जलेश्वर नगरपालिका वडा नम्बर ५ अन्तर्गतका पर्सा, पतैली, चौरिया र बिसनपुर लगायतका गाउँमा सो औषधिको नाकारात्मक प्रभावले मानिसका साथसाथै चौपाया पशु समेत बिरामी पर्न थालेको जनाइएको छ ।
वडा कार्यालयद्वारा औषधी छर्किएको केही घण्टा नबित्दै स्थानीयमा शरीर चिलाउनु, ज्वरो, वान्ता र जिउ फुल्ने लगायतका समस्या देखिन थालेको थियो । औषधिको नाकारात्मक प्रभाव स्थानीय बालबालिका, युवा, बृद्ध देखि पशु चौपायामा समेतमा स्वास्थ्य समस्या देखिएको स्थानीयवासीले बताएका छन ।
स्थानीय स्वास्थ्यकर्मी सरोज चौधरीले भने म्याद गुज्रिएको औषधिको प्रभाव मानिसमा मात्र नभई चौपाया पशुमा समेत देखिएको हो । औषधि छर्केको केही समयपछि नै स्थानीयको स्वास्थ्यमा समस्या देखिए्रको थियो ।
उनले भने एक्कासी बढी संख्यामा स्थानीयको स्वास्थ्य अवस्था बिग्रिन थालेपछि तिनीहरु सिट्रिच, सिटामोल, एन्टीबायोटिक लगायतका औषधी खोज्दै स्वास्थ्य चौकीसम्म पुगेपछि म्याद गुज्रिएको लामखुट्टे विरुद्धको औषधिको असर रहेको कुरा बाहिरिएको थियो ।
स्थानीय विनोद शर्माका अनुसार लामखुट्टेको औषधी छर्किएको केही घण्टा नबित्दै गाउँमा त्रास मच्यो कसैलाई चिलाउने, कसैलाई ज्वरो आउने, बालबालिकाहरु रुने लगायतका समस्या शुरु भयो, आफूलाई समेत समस्या देखिएको थियो ।
उता जलेश्वर नगरपालिका ५ अध्यक्ष राकेश राउतले म्याद गुज्रिएको औषधी छर्किएको आरोपलाई अस्वीकार गर्दै भने यो समस्या आवश्यकता भन्दा बढी बढी औषधी प्रयोग गरिएको कारण भएको हो ।
उनले भने ८ लिटर पानीमा एउटा प्याकेट मिलाउनु पर्नेमा त्यसभन्दा बढी प्याकेट मिसाइएको कारण यस्तो समस्या आएको हो । वास्तविक कुरा के हो म बुझ्दै छु । वडाध्यक्ष राउतले लामखुट्टेको औषधी ६ महिना अगाडी वडा कार्यालयमा ल्याएको थियो र औषधीको म्याद गुज्रिन २ महिना बाँकी नै रहेको दाबी गरेका छन तर लोकपुकारलार्य उपलब्ध औषधिको नमूनाको उत्पादन मिति सेप्टेम्बर २०१८ रहेको छ भने म्याद दुई रहेको छ ।
६ महिनाअघि नै म्याद समाप्त भइसकेको प्रसंगमा वडाध्यक्ष राउतले भने तपाई कुन औषधि नमूनाको कुरा गरिरहनु भएको छ त्यो मलाई थाहा छैन जनस्वास्थ्य कार्यालयले आफूलाई जुन औषधि उपलब्ध गराएको छ हामीले त्यही छर्केका छौं ।
यो विषयमा आफ्नो प्रतिक्रिया दिनुहोस् !