जनकपुरधाम, फागुन १७ गते । सामुदायिक विद्यालयमा अंग्रेजी माध्यमबाट पठन पाठन शुरु गराएर धनुषाको मिथिला नगरपालिका शैक्षिक क्षेत्रमा नमूना बन्दै गएको छ ।
नगरपालिका अन्तर्गत २८ वटै सामुदायिक विद्यालयमा गत वर्षदेखि नै अंग्रेजी माध्यमबाट पठन पाठन शुरु गराएका हो । धनुषा जिल्ला मात्र होइन प्रदेश २ कै पहिलो नगरपालिका हो जहाँ प्राथमिक तहदेखि सामुदायिक विद्यालयहरुमा अंग्रेजी माध्यमबाट पठन पाठन भइरहेको छ ।
मिथिला नगरपालिकाका मेयर हरिनारायण महतोले भने प्रदेशका अन्य पालिका झै हाम्रो पालिकामा नेपाली माध्यमको परम्परागत शिक्षा थियो । जसको परिणाम सामुदायिक विद्यालयमा पढने विद्यार्थी हीन मानसिकताले हेर्ने गथ्र्यो, विद्यार्थीमा पनि मनोबलको कमी हुन्थ्यो ।
त्यसबाट उन्मुक्ति दिलाएर, विद्यार्थीहरुमा हामी पनि केही गर्न सक्छौं मानसिकता तयार गरी प्रतिष्पर्धी बनाउन हामीले निकै वर्कसप र शिक्षकलाई दक्ष बनाएर परम्परागत शिक्षालाई परिवर्तन गरी नमूना बनाउंदै अंग्रेजी माध्यमको पठन पाठन शुरु गराएका हौं । निजी विद्यालयमा पढाउने फैसनको परिपाटी बसिसकेको थियो, सामुदायिक विद्यालयका अभिभावक तथा विद्यार्थीको बुझाई के थियो भने निजी विद्यालयमा पढने विद्यार्थी मात्र प्रतिष्पर्धामा सक्षम छन ती मानसिकतामा समेत अंग्रेजी माध्यमबाट पठन पाठन शुरु भएपछि परिवर्तन भएको छ ।
गरीब तप्काका अभिभावक र विद्यार्थीहरुमा शैक्षिक मनोबल कम भएपछि आईए बीए गरेर पनि प्रतिष्पर्धी हुन सकिरहेको थियो । तर अंग्रेजी माध्यममा पठन पाठन गरेपछि आगामी पुस्ताका लागि त्यो मानसिकतामा परिवर्तन भएको छ ।
उनले भने अंग्रेजी अन्तराष्ट्रिय भाषा हो, यो सबै देशमा काम लाग्ने भएको हुनाले बीए एमए गरेर पनि हाम्रो देश बाहेक अन्य देशमा काम गर्न लेबर मजदूरमा नै काम पाउने गर्छन त्यसको मूल कारण हो अंग्रेजी भाषा तिनीहरुको कमजोर हुनु । अहिले निजी विद्यालयका विद्यार्थी पनि सामुदायिक विद्यालयमा भर्ना गराउन शुरु गरेपछि ठाउँ नै खाली छैन ।
नगरपालिकाका सबै विद्यालयमा निजी विद्यालय झै कक्षा एक देखि होइन, नर्सरी, यूएकेजी एलकेजी हुँदै कक्षा एकमा जाने शैक्षिक क्रमागत रुपले पठन पाठन गराइदैछ । अग्रेजी माध्यममा पठन पाठनका साथसाथै प्राविधिक शिक्षामा पनि त्यतिकै जोड दिइएको छ ।
बेंगाडावर स्थित विद्यालयमा कृषि प्राविधिक शिक्षाको रुपमा अघि बढाउन तयारी भइरहेको छ, त्यसमा कृषि प्राविधिक शिक्षाको पनि पठन पाठन शुरु गरिसकिएको छ । त्यसलाई प्राविधिक शिक्षाको कलेजको रुपमा विकास गर्नेमा काम जोडतोडका साथ अघि बढाइएको छ ।
यसका साथै प्राविधिक शिक्षातर्फ नगरभित्रका १४ वटा निमावि तहका विद्यालयमा कम्प्यूटर विषयको पठन पाठन शुरु गराइएको छ । ती सबै विद्यालयमा कम्प्यूटर उपलब्ध गराउनुका साथै नगरपालिकाबाटै पारिश्रमिक दिने गरी छुट्टै कम्प्यूटर शिक्षकको समेत व्यवस्था गरिएको छ ।
यो विषयमा आफ्नो प्रतिक्रिया दिनुहोस् !