जनकपुरधाम, फागुन ९ गते । प्रदेश २ सरकारका आन्तरिक मामिला तथा कानून मन्त्री ज्ञानेन्द्र यादवले प्रदेश प्रमुखको कार्यशैलीको आधारमा समर्थन वा विरोध गर्ने जनाएको छ ।
विगतमा मधेश केन्द्रित दल र संघीयता विरुद्ध सामाजिक सञ्जालमा प्रदेश प्रमुख बन्नु अघिसम्म राजेश झा “अहिराज” आलोचनात्मक टिप्पणी गर्दै आएकोमा प्रदेश २ सरकारका मन्त्रीहरुले कडा विरोध गर्दै आएको थियो ।
झा प्रदेश प्रमुख बनिसकेपछि प्रदेश सरकारले अब के गर्ने भन्ने जिज्ञासामा मन्त्री यादवले भने विगतमा झाले संघीयता विरोधी टिप्पणीहरु सामाजिक सञ्जालमा गर्दै आएको थियो । अब उहाँ प्रदेश प्रमुख बन्नु भएको छ, उहाँको कार्यशैली हेरेर हामी विरोध वा समर्थन गर्नेछु ।
नवनियुक्त प्रदेश प्रमुख झाको नियुक्तिलाई लिएर प्रदेश सरकारले नै आलोचना गरिरहेको थियो अब के गर्नेछ भन्ने जिज्ञासामा मन्त्री यादवले पछिल्लो उनको पछिल्लो समय जस्तै उनको क्रियाकलापमा परिवर्तन आएन भने उहाँको कार्यशैलीको आधारमा हामी रणनीति बनाएर अघि बढनेछु । उनले भने ‘मधेशलाई गाली गर्ने तथा संघियताको बिरोध गर्नेलाई पछिल्लो समय प्रधानमन्त्री ओली पुरस्कृत गरिरहेका छन्, नवनियुक्त प्रदेश प्रमुखलाई समेत सोही क्रममा पुरस्कार स्वरुप नियुक्त गरिएको हुनसक्छ ।
नियुक्ति जसरी गरिएपनि नवनियुक्त प्रदेश प्रमुख सेरोमोनियल पद हो, पदीय गरिमाको हिसाबले उहाँले प्रदेश सरकारलाई काम गर्न सहयोग गरेमा हामी समर्थन गर्नेछौ नभए हामी रणनीतिको हिसाबले कामम गर्नेछु ।
नवनियुक्त प्रदेश प्रमुख राजेश झा अहिराजलाई स्वागतका लागि विमानस्थलमा मुख्यमन्त्री लालबाबु राउत वा अन्य मन्त्री किन पुगेन भने प्रसंग मन्त्री यादवले भने जनकपुरधाममा कुनै मन्त्री उपलब्ध नभएको कारण जान सकेन । तर सरकारको तर्फबाट राज्यमन्त्री सरोजसिंह कुशवाहा गएको हो ।
दुई दिनअघि मन्त्री यादवले विभिन्न संचार माध्यममा संघीयता र मधेश विरोधीलाई प्रदेश सरकारले स्वीकार नगर्ने प्रतिक्रिया दिएका थिए ।
यो विषयमा आफ्नो प्रतिक्रिया दिनुहोस् !