जनकपुरधाम, फागुन ७ गते । प्रदेश २ का प्रदेश प्रमुख तिलक परियालाई पदबाट हटाइएको छ ।
प्रदेश प्रमुखलाई तिलक परियारलाई शुक्रबार राष्ट्रपति विद्यादेवी भण्डारीले मन्त्रिपरिषदको सिफारिमा हटाएकी छिन नयाँ प्रदेश प्रमुखमा रौतहट निवासी राजेश झालाई नियुक्त गरिएको छ ।
संविधानको धारा १६३ को उपधारा (२) बमोजिम प्रदेश प्रमुख पदमुक्त गरेकी हुन् राष्ट्रपति कार्यालयबाट जारी प्रेस विज्ञप्तिमा भनिएको छ ।
विज्ञप्तिमा भनिएको छ,’सम्माननीय राष्ट्रपति श्रीमती विद्यादेवी भण्डारीज्यूबाट नेपाल सरकार, मन्त्रिपरिषद्को सिफारिसमा नेपालको संविधानको धारा १६३ को उपधारा (२) बमोजिम श्री राजेश झा, रौतहटलाई प्रदेश नं. २ को प्रदेश प्रमुखमा नियुक्त गर्नुभएको छ ।
किन हटाइयो प्रदेश प्रमुखलाई
प्रदेश प्रमुख परियारलाई पदबाट एक्कासी किन हटाइएको भन्ने कुरा प्रदेशभरिमा चर्चा विषय बनेको छ । राजनीतिविदहरुले वर्तमान मन्त्रिपरिषद र राष्ट्रपतिलाई निरंकुशताको संज्ञा दिएका छन ।
पछिल्लो दिनलाई नियालेर हेर्दा प्रदेश प्रमुख परियारलाई नेकपा पार्टीको आन्तरिक द्वन्दभन्दा दुई कारणले हटाएको निष्कर्ष निस्केको छ ।
पहिलो कारण सोनाम ल्होसारका दिन प्रदेश प्रमुखका निजी सचिव अनिल पासवान र रेलवे महाप्रबन्धक गुरु भट्टराई बीच भएको गाली गलौज र दोश्रो कारण आज बिहान प्रजातन्त्र दिवसको अवसरमा प्रदेश प्रमुख परियारले प्रधानमन्त्री केपी शर्मा ओलीले प्रतिनिधि सभा विघटनका लागि चालेको कदम विरुद्ध दिएको अभिव्यक्ति हो ।
प्रदेश प्रमुखको आदेशमा उनका निजी सचिव पासवानले गुरु भट्टराईलाई रेलवे संचालन बारे सोधखोज गर्न खोज्दा दुवैबीच गाली गलौज र हैसियतसम्मको कुरा भएको थियो । प्रदेश प्रमुख नेकपा दाहाल नेपाल पक्षधर हुन भने भट्टराई नेकपा ओली समूहका नेता हुन । दुवैबीचको गाली गलौज सहितको विवाद पछिल्लो साता मिडियामा निकै चर्चाको विषय बनेको थियो । हैसियतकै कुरा आउंदा प्रधानमन्त्री ओलीले आफ्नो हैसियत देखाएको नेकपा दाहाल प्रचण्ड समूहका नेताहरुको भनाई छ ।
अर्को कारण ओलीले आफ्ना विरुद्धमा बोल्नेहरुलाई तह लगाउन प्रदेश प्रमुख परियारलाई हटाएको हुन सक्ने ती नेताहरुको भनाई छ । किनकी आज बिहान प्रजातन्त्र दिवसको अवसरमा आयोजित कार्यक्रममा प्रदेश प्रमुख परियारले प्रतिनिधि सभा विघटनको कदमलाई संकेत गर्दै देशमा उब्जेको वर्तमान परिस्थितिले संविधानको रक्षा र आत्मसातप्रति चिन्ता र आशंका पैदा परेको छ र यसले चाँडै निकास निकाल्ने भन्ने कुरा भनेका थिए ।
उनको यो भनाईले प्रधानमन्त्री ओलीलाई भोलीका दिन प्रदेश सभा विघटन गर्न समस्या पर्ला भन्ने उद्देश्यले परियारलाई बर्खास्त गरी आफ्ना मातहतका मान्छेलाई नियुक्त गरेको भनाई पनि दाहाल नेपाल समूहका नेताहरुको रहेको छ ।
ओली पक्षधर प्रदेश १ का मुख्यमन्त्री शेरधन राईले आफ्नै पार्टीका दाहाल नेपाल समूहका सांसदहरुबाट आविश्वासको प्रस्तावले खतरा देखिएपछि प्रदेश सभा विघटन गर्ने भनिसकेका छन ।
प्रधानमन्त्री ओलीले देशका प्रदेशहरुमा आफ्नो अधिपत्य जमाउन कुनैपनि बेला विघटन गर्ने उद्देश्यले सरकार र प्रदेश प्रमुखमा फेरबदल गर्दै आफ्ना मान्छे भर्तीमा जुटेको दाहाल नेपाल समूहका नेताहरुका भन्छन ।
यसैबीच संचारकर्मी सँगको प्रतिक्रियामा प्रदेश प्रमुख परियारले आफू दलित समुदायको भएको कारण हटाइएको हो । उनले भने न आजसम्म कुनै पदीय दुरुपयोग छु, न कुनै गुट उपगुटमा लागेको छु तर पनि हटाइयो ।
यो विषयमा आफ्नो प्रतिक्रिया दिनुहोस् !