धनगढी, , फागुन ६ गते । बैतडीको दोगदाकेदार– ७ चडेपानीकी १७ वर्षीया भागरथी भट्टको हत्याकाे आराेमा पक्राउ परेका दिनेश भट्टले आफ्नाे बुवाकै अगाडि बलात्कारपछि हत्या गरेको स्वीकार गरेका छन् ।
यसअघि भागरथीको हत्या गरेको तर बलात्कार नगरेको प्रहरी समक्ष बयान दिएका दिनेशले सरकारी वलिकको कार्यालय बैतडीमा बुवा दिपक भट्टकै अगाडि भागरथीको बलात्कारपछि हत्या गरेको स्वीकारेका हुन् ।
दिनेशको उमेर १६ बर्ष भएकाले मुलुकी फौजदारी कार्यविधि संहिता २०७४ को व्यवस्था अनुसार अभिभावकको रोहवरमा बुधवार आयोजित पत्रकार सम्मेलनमा बयान लिईएको थियो ।
प्रदेश प्रहरी कार्यालयका प्रवक्ता प्रहरी वरिष्ठ उपरीक्षक मुकेशकुमार सिंहले भने, ‘दुई पटक भागरथीलाई लडाए । त्यसपछि एक पटक यौन सम्पर्क गरेँ । अनी घाँटी थिचेर हत्या गरेँ भनेर बयान दिएका छन् ।
पिडित परिवारले दिनेश एक्लै ङटना नघटाएकाे अरू व्यक्ति संलग्न हुन सक्ने आराे लगाइ रहेकाेमा आरोपित दिनेशले घटनामा आफू एक्लै संलग्न रहेको पिडित समक्ष बताएकाे सिंहले भनेका छन् ।
यस्तै भागरथीले हातमा लगाउने घडी फेला परेको छ । हत्याको आरोपमा पक्राउ परेका दिनेशले दिएको बयानको आधारमा प्रहरीले भागरथीले लगाउने गरेको रातो घडी फेला पारेको सुदूरपश्चिम प्रदेश प्रहरी कार्यालयका प्रवक्ता प्रहरी वरिष्ठ उपरीक्षक सिंहले बताए ।
सनातन धर्म मावि खोचलेकबाट माघ २१ गते घर फर्किने बेला हराएकी भागरथीको २२ गते शव भेटिएको थियो ।
पोष्टमार्टमपछि भागरथीको बलात्कारपछि हत्या भएको पुष्टि भएको थियो ।
यो विषयमा आफ्नो प्रतिक्रिया दिनुहोस् !