जनकपुरधाम, माघ २५ गते । महाेतरी प्रहरीले दुई बालिकालाई एकैसाथ जबरदस्ती करणी प्रयास गरेको आरोपमा एक जनालाई पक्राउ गरेको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक प्रकाश बिष्टका अनुसार महोत्तरीको एकडारा गाउँपालिका–४ चकवा गाउँमा एकैसाथ दुई बालिकामाथि जबर्जस्ती करणी उद्योग गरेको आरोपमा साेही ठाउंका ४७ वर्षिय पुरन राउतलाई पक्राउ गरिएकाे छ।
पक्राउ परेका राउतले स्थानीय ११ वर्षीया र नौ वर्षीया गरी दुई बालिकालाई शनिबार साँझ साढे ५ बजेतिर गाउँभन्दा १०० मिटर दक्षिणमा रहेको खेसारी (दालबाली) को खेतमा जबर्जस्ती करणीकाे प्रयास गरेको आरोप लगाइएको छ ।
घटना पश्चात् बालिकाहरु घर आएर घरमा घरपरिवारका व्यक्तिलाई घटना बारे जानकारी गराएपछि आरोपितको घरमा गएर गाली बेइज्जती गर्दा कोही घरबाट ननिस्केको र पछि पिडित पक्षले जिल्ला प्रहरी कार्यालयमा टेलिफोन गरी घटनाबारे जानकारी गराएपछि आरोपित पुरनलाई गए राति १० बजे पक्राउ गरी ल्याएको प्रहरीले जनाएकाे छ ।
यो विषयमा आफ्नो प्रतिक्रिया दिनुहोस् !