जनकपुरधाम, माघ २२ गते । नेकपा दाहाल नेपाल समूहको आह्वान गरिएको आम हडतालको प्रदेश २ का राजधानी जनकपुरधाममा आंशिक प्रभाव देखिएको ।
पुर्वनिर्धारित कार्यक्रम अनुुसार नेकपा दाहाल नेपालका नेता तथा कार्यकर्ताहरुले बिहान मोटरसाइकल जुलुस गर्र्दै घुमेर जनकपुरधाम नगरभित्र बजार बन्द गराएपनि विस्तारै विस्तरै सबै पसल खुल्ने लागेको छ ।
बिहान केही बेरका लागि पसलहरु बन्द गराइएपनि प्रहरी हस्तक्षेपपछि अहिले सबै पसल खोलिएको छ । बजार बन्द गराउने क्रममा प्रहरी र दाहाल नेपाल समूहका नेता कार्यकर्ताहरुबीच जनक चोकमा भनाभन समेत भएको थियो ।
हुनत बिहानैदेखि मोटरसाइकल जुलुस भइरहेको कारण दाहाल नेपाल समूहका केही व्यवसायीहरु आधा सटर खोलेर खोलेको नै देखिएको छ तर अन्य पसलहरु पुर्ण रुपमा खुलेको छ । ग्रामीण क्षेत्रमा बन्दको कुनै असर देखिएको छैन ।
उता बैंकिग क्षेत्र खुलेपनि निजी विद्यालयहरु बन्द गरिएको छ । नगरभित्र र राजमार्ग क्षेत्रमा चार चक्के र दुईपांग्रे साना सवारी साधन निर्वाध रुपमा चलेपनि लामो दूरीका यातायात बिहानैदेखि बन्द रहेको छ ।
बन्दलाई असफल पार्न नगर र राजमार्ग क्षेत्रमा व्यापक रुपमा प्रहरी परिचालन गरिएको छ । प्रहरी परिचालन भएपनि नेकपा दाहाल नेपाल समूहका नेता कार्यकर्ताहरु बिहानै विरोध जुलुस प्रदर्शन गरेका हुन ।
प्रदेश २ का महोत्तरी, सप्तरी, सिरहा, पर्सा, बारा र रौतहट समेतमा बन्दको आंशिक प्रभाव नै देखिएको छ । ती जिल्लाहरुमा पनि बिहान पसल भएपनि १० बजेदेखि पसलहरु खुल्न थालेको छ ।
यसैबीच बन्द सफल गराउन पर्साको विरगञ्जमा जुलुस प्रदर्शन गरेको क्रममा दाहाल नेपाल समूहका रहबर अन्सारी सहित १७ जना नेताहरु कार्यकर्ताहरुलाई प्रहरीले पक्राउ गरेको छ ।
ती नेताहरुलाई बजार बन्द गराउने निकालेको जुलुसको क्रममा प्रहरीले पक्राउ गरेको हो । प्रहरीले आमहड्तालमा गरेको हस्तक्षेपप्रति नेकपा दाहाल नेपाल समूहका प्रदेश समितिले विरोध जनाउंदै तत्काल रिहा गर्न मांग गरेका छन ।
यो विषयमा आफ्नो प्रतिक्रिया दिनुहोस् !