जनकपुरधाम, माघ २१ गते । मंचमा आसन र बोल्न नपाउंदा प्रदेश २ प्रदेश सभाको तेश्रो वार्षिकोत्सव कार्यक्रम नै मन्त्री, सांसद र स्थानीय तहको प्रतिनिधिहरुले बहिष्ककार गरेका छन ।
बुधवार प्रदेश सभाको प्रांगणमा आयोजित वार्षिकोत्सव समारोहमा बोल्न नपाउंदा र मंचमा आतिथ्य ग्रहणको अवसरमा नपाउंदा तिनीहरु सांकेतिक रुपमा बहिष्कार गरी कार्यक्रम चलिरहेकै क्रममा उठेर गई दिए ।
तात्कालिन राजपाको तर्फबाट भौतिक पुर्वाधार विकास मन्त्री जितेन्द्र सोनललाई मात्रै मनतव्यको अवसर दिंदा सामाजिक विकास मन्त्री नवल साह, उद्योग, पर्यटन, वन तथा वातावरण मन्त्री रामनरेश राय र आन्तरिक मामिला तथा कानून मन्त्री ज्ञानेन्द्र यादवले केही नबोली कार्यक्रम बीचमै छाडेर गएको थियो ।
तिनीहरु कुनैपनि कार्यक्रममा मुख्मयन्त्री लालबाबु राउत र मन्त्री सोनलले मात्रै बोल्न पाउंने भनी कुनै असहमति नजनाई सांकेतिक रुपमा बहिष्कार गरेर कार्यक्रम बीचमै छाडेर गएको मन्त्रीहरुकै श्रोत व्यक्तिले बताएका छन । तर यस सम्बन्धमा मन्त्री यादवसँग जिज्ञासा राख्दा उनले भने कार्यव्यवस्तताले आफू कार्यक्रमबाट आउनु परयो । मन्त्री साह र रायसँग प्रतिक्रिया लिन खोज्दा तिनीहरुले सम्पर्कमा आउन चाहेन । संचाकर्मीहरुले पटक पटक फोन गर्दा पनि उठाएन ।
उता नेकपा ओली समूहका सांसदहरु पनि नेकपाको तर्फबाट संसदीय दलको नेतामा प्रचण्ड नेपाल समूहका शत्रुध्न महतोलाई आसन ग्रहण गराएपछि औपचारिक असहमति जनाएपनि सांकेतिक बहिष्कार गरी कार्यक्रम छाडेर गएका थिए ।
नेकपा ओली समूहका सांसद रामचन्द्र मण्डलले भने तात्कालिन राजपा र सपा एकीकृत भई जसपा निर्माण भइसकेको अवस्था तिनीहरुलाई छुट्टा छुट्टै रुपमा आसन गराएको छ । तर हाम्रो नेकपा विधिवत रुपमा नफुटेपनि काँखापाखा गर्दै प्रचण्ड नेपाल समूहका सांसदलाई आसन ग्रहण गराउनु गलत परम्पराको शुरुवात गरिएको कारण हामीले बहिष्कार गर्दै कार्यक्रमबाट बाहिरिएका हौं ।
नेकपाबाट ३२ जना सांसद मध्ये १२ जना ओली समूहका हुन । पदीय अपमान महसूस गर्दै तिनीहरु कार्यक्रमको सांकेतिक बहिष्कार गरेका हुन ।
त्यस्तै स्थानीय तहका जनप्रतिनिधिहरु पनि मंचमा आसन ग्रहण गर्न नपाउंदा र आसन ग्रहणका लागि नाम समेत सम्बोधन नहुँदा अपमान महसूस गर्दै कार्यक्रम छाडेर गएका थिए ।
धनुषाका एक स्थानीय तहका प्रमुखले नाम उल्लेख नगर्ने शर्तमा कार्यक्रममा आमन्त्रित सबै निकायका प्रतिनिधि र कर्मचारी समेतलाई नाम र पद किटान गरी सम्बोधन गर्दै आसन ग्रहण गराइयो तर स्थानीय जनप्रतिनिधिलाई आसन ग्रहण त परै जाओस नाम पनि सम्बोधन गरेनन आफूहरुलाई अपमान महसूस भएको कारण कार्यक्रम छाडेर बाहिरियौं ।
सो कार्यक्रममा वीरगञ्ज महानरपालिकाका उपप्रमुख र जनकपुरधाम उपमहानगरपालिकाका प्रमुखलाई यथास्थानमा आसन गराइएको थियो । तर मुख्यमन्त्री लालबाबु राउतले विकासको काममा स्थानीय तहको भूमिका कुनै भूमिका नरहेको भनेपछि तिनीहरु पनि गई दिए ।
यो विषयमा आफ्नो प्रतिक्रिया दिनुहोस् !