मधेश विरोधी भन्नेलाई विकास गरेर देखाउन प्रम ओलीको चुनौती

जनकपुरधाम, माघ १९ गते । प्रधानमन्त्री केपी शर्मा ओलीले मधेश विरोधी भन्नेहरुलाई विकास गरेर देखाउन चुनौती दिएका छन ।

सोमवार धनुषाको ढल्केवरमा आयोजित सवस्टेशन उद्घाटन कार्यक्रमलाई सम्बोधन गर्दै प्रधानमन्त्री ओलीले भने आफूलाई केही कथित व्यक्तिहरुले मधेश विरोधी भन्ने गरेका छन । तर यहाँ ढल कसले बनाउने सडक कसले बनाउने त्यो मै नै हो ।

मधेश विरोधी भन्नेहरुले पनि सत्तामा बसेका थिए के गरे त उनीहरु, ढल, सडक, सिचाई, कृषि लगायतको विकासमा मेरै पालमा फड्को मारेको दाबी गर्दै उनले आफूलाई नै मधेश विरोधी भन्ने गर्छन । तर जे भएपनि आफू मधेश विकासको संकल्प लिएर अघि बढेको छु कसैले रोक्न सक्दैन ।

प्रधानमन्त्री ओलीले मधेश केन्द्रित नेताहरुलाई चुनौती दिदैं भने के यहाँका नेताहरु दलित समुदायका डोम हलखोर र अतिविपन्न पिछिडिएका समुदायका बच्चालाई काँखमा लिएर हिड्न सक्छ, सक्दैन अब भनौ मधेश विरोधी को म कि मधेशी विरोधी भन्नेहरु । उनले भने मलाई मधेश बिरोधी भन्नेहरुलाई मधेशमा जति विकासको काम मैले गरेको छु, मधेशमा तिनीहरुकै सरकार छ विकास गरेर देखाओस । मुखले खोक्रा नारा दिएर हुँदैन काम गरेर देखाउनुस अनि मधेश प्रेमी आफूलाई भन्नुस ।

आफूलाई मधेश विरोधी भन्नेहरु मधेसका सडकहरु अस्त व्यस्त थिए, ढल नरहेको बेला कसले निर्माण गर्न रोक्या थियो, तर आफू प्रधानमन्त्री बनेपछि हेर्नुस चौतर्फी विकास भएका छन र विकासका सम्भावनाहरुको पहिचान भएको छ । अबको आउंदो केही वर्षमै मधेश मात्र होइन पहाड र हिमाल सहित पुरै मुलुक नै विकासको ठूलो फड्को मार्नेछ ।

मधेशको विकासका लागि कृषि आधुनिकिकरणमा सरकारले जोड दिएको बताउँदै प्रधानमन्त्री ओलीले खेत खेतमा सिंचाई सुविधा पुर्याउनका लागि कोशीको पानी तराई झादैँछौँ । उनले भने ‘खेत खेतमा सिंचाईको सुविधाका लागि पहाड छेडेर कोशी नदीलाई मधेसमा ल्याउँदैछ ।’

कोशी नदीमा ड्याम निर्माण भएपछि मधेशका किसानलाई सिचाईको समस्या समाधान हुनेछ । खेत खेतमा पानीको पहुँच पुगेपछि राम्रो उब्जनी भएपछि अनाजका लागि हामी अरु देशमा निर्भर हुनेछैनौ, पहिला जस्तै यहाँबाट अनाज निर्यात गर्न सक्छौं उनले भने ।

साथै प्रधानमन्त्री ओलीले बजारमा पाइने जुस किनेर नखान्न जनतालाई सुझाव दिदै भने विदेशमा आयातित जुस नखानुस त्यसमा केमिकल सहितको फ्लेवरयुक्त हुन्छ त्यसले हाम्रो शरीरमा क्षति पुरयाउँछ ।

बरु आफ्नै खेतबारीमा आम, लिची लगायतको बोट विरुवा विरुवा लगाउ, चाहेको बेला जुस के आँप नै तोडेर खाउँ, त्यो शुद्ध पनि हुन्छ शरीरमा फाइदा पनि पुरयाउँछ र बेचेर राम्रो आम्दानी पनि गर्न सकिन्छ भने ।