जनकपुरधाम, माघ १८ गते । नेपाल रेडक्रस सोसाइटीद्वारा सञ्चालित जनकपुरधाम स्थित श्री जानकी आँखा अस्पताल विकास समितिका नवनियुक्त पदाधिकारीहरुले पदभार ग्रहण गरेका छन ।
आइतवार औपचारिक पद तथा गोपनीयताका शपथ ग्रहण पश्चात उनीहरुले पदभार ग्रहण गरेका हुन ।
दुई दिनअघि समितिको सभापतिमा गंगाराम यादव र कोषाध्यक्षमा संजय साह चयन भएको थियो । अस्पतालका मेडिकल डाइरेक्टर सदस्य सचिव रहने गरी ९ सदस्यीय रहेको सो कार्यसमितिमा हाल सभापति र कोषाध्यक्ष मात्र चयन भएका छन ।
कार्यक्रममा बोल्दै नवनियुक्त सभापती गंगाराम यादवले अस्पतालको विकास र गुणस्तरीय सेवा प्रवाहका लागि स्वयम व्यक्तिगत रुपमा तन मन धनका साथ काम गर्ने प्रतिबद्धता जनाए ।
कोषाध्यक्ष साहले अस्पतालको व्यवस्थापन र गरिमा बढाउन आफनो अनुभव, क्षमता र सार्मथ्यले काम गर्ने प्रतिबद्धता जनाए ।
उनले भने अस्पतालको साख कायम राख्दै आर्थिक र प्रशासनिक रुपमा निष्पक्ष बनाउनेछु । अस्पतालका कर्मचारी र बिरामीको सेवा सुविधालाई ध्यानमा राख्दै समितिले आफ्नो कार्य विभेद रहित तरिकाले कार्य गर्नेछ ।
अस्पताल संस्थापक परिवारको तर्फवाट बालेको स्व. मकेश्वर बाबुका नाती रितेश सिंहले जनकपुरधामको अस्पताल, स्कुल र कलेज सहितका सेवाभावले स्थापना भएको संस्थाका दाता परिवारको नाम निशान मिटाउने काम भएको आरोप लगाए ।
कार्यक्रममा समाजसेवी अमरचन्द्र अनिल, जउनपाका वडा नं. ८ र १३ का अध्यक्ष, अस्पतालका प्रमुख, चिकित्सक सहित स्थानिय समाजसेवी र बुद्विजिवीहरु समेतको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !