जनकपुरधाम, माघ १८ गते । जनता समाजवाद पार्टीका अध्यक्ष महन्थ ठाकुरले मुलुकको शासन व्यवस्था परिवर्तनमा युवाको ठूलो भूमिका रहेकोे बताएका छन ।
आइतवार जसपा निकट राष्ट्रिय युवा संघद्वारा आयोजित युवा समायोजन अन्तरक्रिया कार्यक्रमलाई सम्बोधन गर्दै अध्यक्ष ठाकुरले भने युवा विकासका संवाह हुन, मुलुकको शासन व्यवस्था परिवर्तनमा युवाको ठूलो योगदान हुन ।
उनले भने जहानियाँ राणा शासनदेखि हालसम्म मुलुकको कुनैपनि शासन व्यवस्था परिवर्तनमा युवाकै महत्वपूर्ण रहेको छ । देशमा संघीयता मधेश आन्दोलन सहित विभिन्न आन्दोलन र संघर्ष पश्चात आएको हो जसमा युवाको अहम भूमिका रहेको छ ।
प्रमुख अतिथि अध्यक्ष ठाकुरले युवालाई आफ्नो योगदानको अवसर दिने पुनः एक पटक आएको छ । सयौं युवाको शहादत पश्चात पाएको उपलब्धी संघीयतालाई धरापमा पार्न खोजिदैछ यस विरुद्धहरुलाई संघर्षमा उत्रिनु आवश्यक छ ।
उनले भने संघीयता समाप्त पार्न प्रधानमन्त्री ओलीले संविधानको चीरहरण गरी गरेको प्रतिनिधि सभा विघटन विरुद्ध युृवाहरुलाई पुनः संघर्षमा उत्रिनु परेको बेला आएको छ । निरकुंश प्रवृतिको ओली शासन व्यवस्थालाई परिवर्तन गर्न युवाको कांधमा ठूलो जिम्मेवारी थपिन गएको छ ।
अध्यक्ष यादवले निंरकुश राण र शाह शासनलाई युवाहरुले जसरी उखाड फेके त्यसरी अहिलेको नयां निरकुशको उदयमान भएका ओलीलाई समाप्त पार्न युवाहरुको संघर्ष जरुरी छ । जसपाले ओली प्रवृति विरुद्ध चालेको संघर्षलाई युवाहरुले सहयोग नगरेसम्म सफल हुन नसक्ने बताए ।
सो कार्यक्रममा जसपाका वरिष्ठ नेता राजेन्द्र महतो, नेता वृषेशचन्द्र लाल, डा. विजय सिंह प्रदेश २ का भौतिक पुर्वाधार विकास मन्त्री जितेन्द्र सोनल लगायतले पनि आ आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !