जनकपुरधाम, माघ १५ गते । आफ्नै छाेरअंकाे बलात्कार गरेकाे आराेपमा प्रहरीले एक व्यक्तिलाई पक्राउ गरेकाे छ ।
आमा हरिमाया गिरी यादवले दिएकाे उजुरीकाे आधारमा धनुषा जिल्लाको कमला नगरपालिका वडा नं. ५ घर भई हाल काठमाडौँको गोकर्णेश्वर नगरपालिका वडा नं. ५ जबमुडाँडामा बस्दै आएका करिब ५० वर्षीय भोला यादवलाई प्रहरीले पक्राउ गरेकाे हाे ।
आराेपित भाेला यादवलाई जनकपुरधामकाे रामानन्द चाैकबाट बिहिवार पक्राउ गरिएकाे धनुषाका प्रहरी प्रवक्ता प्रहरी नायव उपरीक्षक मकेन्द्र कुमार मिश्रले जानकारी दिएका छन ।
उनका अनुसार आराेपित भाेला यादव पिडीत २६ वर्षिय युवतीका साैतेला बुवा हुन । घटना पश्चात् यादव फरार भई जनकपुरधाम आएकाे बेला पक्राउ परेका हाे ।
पिडित युवतीकी आमा हरिमायाले मंगलबार आफ्नो संरक्षणमा बसेकी छोरीको नेपाल मेडिकल कलेजमा उपचार गराई रहेको अवस्थामा यादवले फोन गरी कोठामा गएर हेर तेरो छोरीको हालत देख्छेस भने पछी कोठामा गएर हेर्दा आफ्नो छोरीको घाउचोट लागि रगत पच्छे भई अचेत अवस्थामा फेला परेको भनेर बालिकाकी आमाले महानगरीय प्रहरी वृत बौद्ध काठमाडौँमा निवेदन दिएकी थिइन् ।
हाल युवतीको उपचार राष्ट्रिय ट्रामा सेन्टरमा भइरहेको छ ।
भोला यादवले छोरीलाई जवरजस्ती करणी पश्चात कुटपिट गरी घाईते बनाई भागेको हुँदा पक्राउ गरि कानुन बमोजिम कारवाही गर्न उनले मांग गरेकी छिन ।
वृतको पत्र अनुसार खोजतलास गर्ने क्रममा प्रहरी टोलीले भाेला यादवलाई नियन्त्रण लिई आवश्यक अनुसन्धानका लागि महानगरीय प्रहरी वृत बौद्ध काठमाणडौमा पठाईएको प्रवक्ता मिश्रले जानकारी दिएका छन ।
यो विषयमा आफ्नो प्रतिक्रिया दिनुहोस् !