जनकपुरधाम, पुस १८ गते । एक पैदल यात्रीलाई ठक्कर दिएर शहरी विकास मन्त्री प्रभु साहले चढेको गाडीको फरार भएको छ ।
शनिवार मन्त्री साह गृहजिल्ला रौतहटबाट महोत्तरी एक कार्यक्रममा सहभागी हुन चढेर आइरहेको सरकारी गाडीले ठक्कर लालबन्दी ८ चन्द्रपुरका ३० वर्षिय बच्चु तामाङ्ग घाइते भएको हो ।
ठक्कर पश्चात मन्त्री साहले उनको उद्धार गर्नुको सट्टा गाडी लिएर फरार भएपछि स्थानीय नेपाल र सशस्त्र प्रहरीका टोलीले उपचारको लागि अस्पताल पुरयाएको कुरा प्रत्यक्ष हरिस वानियाले बताएका छन ।
उनले भने घटना पश्चात केही छिन मन्त्रीले गाडी रुक्यो तर मान्छेहरु जम्मा हुन लाग्दै उद्धार गर्नुको सट्टा फरार भएको संचारकर्मीहरुसँग कुरा गर्दै उनले बताएका छन ।
मन्त्री साहकै गाडीबाट तामाङ्ग घाइते भएको पुष्टि प्रहरीले पनि गरेको छ । संचारकर्मीसँग सर्लाहीका प्रहरी उपरीक्षक संतोष सिंह राठौरले भने मन्त्री साहले चढेको ना १ झ ३८४२ नम्बरको गाडीको ठक्करबाट पूर्व–पश्चिम राजमार्ग अन्तर्गत सर्लाहीको हरिवनमा तामाङ्ग व्यक्ति घाइते भएको हो ।
घटना पश्चात समाचार विभिन्न संचार माध्यममा आएपछि समाचारप्रति आपति जनाउंदै आफ्नो गाडीबाट ठक्कर नलागेको भनी खण्डन गरेका छन ।
मन्त्री साहले सामाजिक सञ्जाल फेसबूकमा ‘आज रौतहटबाट महोत्तरी जाने क्रममा सर्लाहीको हरिवन चौकमा म चढेको गाड़ीबाट झुकिएर लड़ेको व्यक्तिलाई केही पनि नभएकोले ढुक्क भएर हिडेको सामान्य बिषयलाई “ठक्कर दिएर भागे” भनेर मेरो बदनाम गर्ने उद्देश्यले केही अनलाइन मिडियाले अतिरंजित ढंगले प्रचार गर्नु र सर्लाही प्रहरीलाई मेरो यात्राबारे सम्पूर्ण जानकारी हुँदाहुँदै पनि नेपाल प्रहरीले मन्त्री प्रभु साहको गाडी “खुलेको“ भन्ने भ्रमपूर्ण वक्तव्य दिन गैरजिम्मेवार रूपमा प्रस्तुत भएको दुःखद विषयप्रति मेरो गम्भीर ध्यानाकर्षण भएको लखेको छ ।
मन्त्री साहले संचार माध्यम, प्रहरी र स्थानीय आफू विरुद्ध गलत आरोप लगाएर भ्रम श्रृजना गरेको दाबी गरिरहेकै बेला एक सिसिटीभी फुटेज समेत सार्वजनिक भएको भएको छ । जसमा प्रष्ट देखिन्छ कि एक झण्डावाल गाडी पैदल यात्रुलाई ठक्कर हानेर केही बेर रुक्छन अनि घाइतेलाई त्यसै छाडेर भाग्छन ।
मन्त्री साहको दाबीलाई झुठो साबित गर्न हरिवनकै स्थानिय हरिष वाणियाले सिसिटिभी फुटेज सामाजिक सञ्जालमा राखेका छन ।
यो विषयमा आफ्नो प्रतिक्रिया दिनुहोस् !